Bakcell hörmətsizlik edir – FAKT
Bakcell mobil operatoru tərəfindən abonentin necə incidildiyi barədə iyunun 10-da oxucu şikayətini dərc etmişdik.
Yazıya münasibət bildirmək üçün şirkətin elektron ünvanına göndərdiyimiz sorğuya operativ cavab gəldi: “Sualınıza görə təşəkkür edirik. Cavab sizin elektron poçt ünvanınıza göndəriləcək”. Lakin hələ indiyə qədər heç bir cavab göndərilməyib.
Bu isə açıq-aşkar onu göstərir ki, Bakcell şirkəti texniki problemlərə görə abonentlərinə normal şəkildə xidmət göstərə bilmədiyindən susmağa üstünlük verir. Görəsən nə vaxtadək?
Bu məsələ ilə bağlı şirkətlə dünən – iyunun 19-da növbəti dəfə əlaqə sağladıq və eyni cavabı aldıq: “Salam. Məlumat veriləcəkdir”.
Ancaq indiyə qədər hələ də susmaqla abonentlərinə və ictimaiyyətə hörmətsiz yanaşır. Bu isə şirkətin nüfuzuna ciddi xələl gətirir.
