Bakcell abunəçilərini incidir – FAKT
Son vaxtlar Bakcell abunəçilərini incidir.
Rakus.az xəbər verir ki, bununla bağlı sosial mediada ciddi narazılıqlar edilir. Bunlardan birini olduğu kimi diqqətinizə çatdırırıq.
“Salam. Hörmətli Bakcell hesabımda məbləğin azaldığı və internet paketim bitdiyi üçün və həm də aylıq abunə haqqını ödəmək üçün 10.06.2019. saat 14.43-də Bakcell nömrəmə plastik kart vasitəsi ilə 12.24 AZN ödəniş etmişəm. Telefonuma bu məbləğin köçürülməsini bildirən mesaj da daxil oldu. Amma nədənsə indiyə qədər Bakcelldə nə borcum silinib nə də internet paketim yenilənib. Və bu yaranmış problemə görə (problem Bakcelldə aparılan texniki təkmilləşdirmə ilə bağlıdır) mən nə zəng edə bilirəm, nə mənə zənglər daxil olur. İnternetdən də istifadə edə bilmirəm. Bu səbəbdən də mənə göndərilən məktublara, mesajlara, səsli mesajlara nə baxa bilirəm, nə də cavab verə bilirəm. Sosial şəbəkədən isə tam təcrid olunmuşam. Wi-Fi olan yerlər axtarıram. Çox təəssüf edirəm!
Ölkənin qabaqcıl mobil şəbəkəsindən biri olan Bakcell bu və bu kimi problemləri öncədən öz abonentlərinə bildirsə, bəlkə də daha məqsədəuyğun olardı. Mənə dəyən maddi və mənəvi ziyana görə təəssüflənirəm”.
