Deputatdan açıqlama: “Azərbaycan Minsk qrupunun ləğvini tələb edir”
Rakus.az xəbər verir ki, bu fikirləri “Operativ Media”ya Milli Məclisin deputatı Rizvan Nəbiyev bildirib.
O deyib ki, Prezident İlham Əliyev bu məsələləri müxtəlif siyasi-diplomatik müstəvilərdə dəfələrlə gündəmə gətirib və o, Minsk qrupunun ləğvini qəti şəkildə tələb edir.
Onun sözlərinə görə, Ermənistan, son vaxtlar Minsk qrupunun ləğvini prinsipial olaraq müsbət tonla dəstəkləsə də, bəzi ziddiyyətlər mövcuddur: “Ermənistanın Baş naziri Nikol Paşinyan Minsk qrupunun ləğvini “konstruktiv yanaşma” kimi dəyərləndirib, amma erməni spikerin açıqlamaları Azərbaycanın mövqeyinə ziddir. Belə ki, erməni spiker Minsk qrupunun ləğvini sülh sazişi imzalanmasından sonra baş verə biləcəyini qeyd edərək, sülh sazişi imzalanandan sonra ona ehtiyac qalmayacağını və mənasını itirəcəyini bildirib”.
.jpeg)
“Azərbaycan haqlı olaraq Minsk qrupunun ləğvini sülh müqaviləsinin imzalanmasından əvvəl baş verməsini tələb edir. Bu, Azərbaycan və Ermənistan arasında qarşılıqlı etimadı artırar və digər məsələlər üçün zəmin yarada bilər”, – R. Nəbiyev vurğulayıb.
