Sosial şəbəkələrə qadağa: dünyada nə baş verir? – ARAŞDIRMA
Son 30 ildə internetin və sosial şəbəkələrin sürətli inkişafı informasiyanı əlçatan etsə də, virtual dünyanın uşaqların fiziki və psixoloji sağlamlığına təsiri ciddi narahatlıq yaradıb.
Rakus.az xəbər verir ki, bu barədə Baku TV-də Müəllif və Yaradıcı Departamentinin təqdimatı ilə müəllif-aparıcı Gülnar Muradovanın hazırladığı araşdırma materialında söz açılır.
Diqqətə çatdırılır ki, smartfon və sosial şəbəkələrdə həddindən artıq vaxt keçirən uşaqlarda hərəkət koordinasiyasının zəifləməsi, yuxu pozğunluğu, narahatlıq, depressiya, kiberzorakılıq və təhlükəli insanlarla ünsiyyət riskinin artdığı bildirilir. Uşaqların real həyatı ekran vasitəsilə qavraması, özlərini sosial mediada yaradılan ideal obrazlarla müqayisə etməsi və platformaların alqoritmlərinin yetkinləşməmiş psixikaya təsiri dünya ölkələrini sərt addımlar atmağa məcbur edir. Avstraliya 16 yaşdan kiçiklərin əsas sosial platformalardan istifadəsini qadağan etdiyi halda, Almaniya, İtaliya və Braziliya valideyn razılığını tələb edir, Böyük Britaniya, Çin, ABŞ və digər ölkələr isə yaş, ekran vaxtı və tətbiq funksiyalarına əsaslanan müxtəlif məhdudiyyətlər tətbiq edir. Sərt addımlara keçidin əsas səbəbi təhlükənin artıq yalnız küçədən deyil, evlərdəki smartfonlardan və uşaqların gündəlik istifadə etdiyi rəqəmsal vasitələrdən gəlməsi, buna görə də valideyn nəzarətinin və rəqəmsal savadlılığın həyati əhəmiyyət daşımasıdır.
Veriliş iyulun 17-də Baku TV-nin efirində və YouTube kanalında yayımlanıb.
Ətraflı videoada tanış ola bilərsiniz:
