YENİLƏNDİ-2: Dördqat Avropa çempionu intihar etdi
Azərbaycan Gimnastika Federasiyası ötən gün intihar edən gənc qızın dünya çempionu olması xəbərinə aydınlıq gətirib.
Rakus.az xəbər verir ki, akrobatika gimnastikası üzrə məşqçi İradə Qurbanova bildirib ki, Aynur Məmmədzadə adlı idmançı Avropa və dünya çempionlarında qalib gəlməyib.
08:57
Avropa çempionu olan gimnastımız intihar edib.
Rakus.az xəbər verir ki, hadisə Nizami rayonu, Elşən Süleymanov küçəsində baş verib.
2001-ci il təvəllüdlü Məmmədzadə Aynur Əfqan qızı yaşadığı binanın 4-cü mərtəbəsindən özünü atıb. Yaralı ağır vəziyyətdə xəstəxanaya aparılıb. Həkimlərin səylərinə baxmayaraq, onun həyatını xilas etmək mümkün olmayıb. A.Məmmədzadə xəstəxanada dünyasını dəyişib.
Hadisənin hansı səbəbdən baş verməsi araşdırılır.
Xatırladaq ki, A.Məmmədzadə akrobatika üzrə dörtqat Avropa çempionudur.
9 iyul 2019 17:37
Bakıda intihar hadisəsi baş verib.
Rakus.az xəbər verir ki, Nizami rayon Elşən Süleymanov küçəsində 2001-ci il təvəllüdlü Məmmədova Aynur Əfqan qızı yaşadığı binanın 4-cü mərtəbəsindən özünü atıb. 18 yaşlı qız 3 saylı Kliniki Tibbi Mərkəzə çatdırılsa da, onun həyatını xilas etmək mümkün olmayıb.
Faktla bağlı araşdırma aparılır, onun hansı səbəbdən intihar etməsi məlum deyil.
