Daha üç komanda final mərhələsinə yüksələ bilər
Bu gün AVRO-2020-nin seçmə mərhələsində 9-cu turun oyunları davam etdiriləcək.
Rakus.az xəbər verir ki, 3 qrupda (D, F və J qruplarında) 8 görüş keçiriləcək. D qrupunda Danimarka Cəbəllütariqi, İsveçrə isə Gürcüstanı qəbul edəcək. İsveçrəlilər Gürcüstana uduzsalar, Danimarka qələbə ilə AVRO-2020-yə yüksələcək.
F qrupunda finala bərabər matç baş tutacaq. İsveç səfərdə ən yaxın izləyicisi Rumıniyaya qalib gəlsə, İspaniyanın ardından qrupda ikinci vəsiqəyə sahib çıxacaq. Digər nəticələrdə hər iki komanda, həmçinin bu tur qələbə qazanacağı halda Norveç mübarizəni son turadək davam etdirəcək.
J qrupunda ikinci vəsiqə sahibini tapa bilər. Artıq bunu bacaran İtaliyaya qoşulmaq üçün Finlandiyaya Lixtenşteyn üzərində ev qələbəsi lazımdır. Düzdür, skandinaviyalılar heç-heçə, hətta məğlubiyyətlə də final mərhələsinə yüksəlmək imkanına malikdir. Amma bunun üçün digər görüşlərin nəticələri də önəmlidir.
Xatırladaq ki, final mərhələsinə hələlik 10 komanda yüksəlib. Bunlar Belçika, Polşa, Ukrayna, Rusiya, İspaniya, İtaliya, Türkiyə, Fransa, İngiltərə, Çexiyadır.
AVRO-2020-nin seçmə mərhələsi
VIII tur
15 noyabr
D qrupu
23:45. İsveçrə – Gürcüstan
23:45. Danimarka – Cəbəllütariq
F qrupu
21:00. Norveç – Farer Adaları
23:45. Rumıniya – İsveç
23:45. İspaniya – Malta
J qrupu
21:00. Ermənistan – Yunanıstan
21:00. Finlandiya – Lixtenşteyn
23:45. Bosniya və Herseqovina – İtaliya
