İdman 02.10.2026 14:03

Şəhid Jurnalistlərin Xatirə Turnirində 2-ci tur həyəcanı başlayır - FOTO

Ölçü

A+ A- A

Oktyabrın 3-4-də Müstəqilliyin Bərpası Günü (18 oktyabr) və Zəfər Günü (8 Noyabr) münasibətilə Azərbaycanın Şəhid Jurnalistlərinin xatirəsinə həvəskar komandalardan ibarət 5-ci Ənənəvi Minifutbol Turnirində 2-ci turun oyunları keçiriləcək.

Rakus.az xəbər verir ki, C və D qrupları üzrə şənbə günü bir oyun, bazar günü isə 3 oyun baş tutacaq. Belə ki, oktyabrın 3-də saat 17:00-da başlayacaq oyunda Xəzər TV ilə BakuWS qarşılaşacaq.

Komandaların heyətləri belədir:

Xəzər TV Media – (ağ-bənövşəyi) – Vüqar Şəfiyev, Əliqan Mustafayev, Turqan Əliyev, Cavid Bəşorov, Əkbər Əfəndiyev, Ehtiram İbrahimov, Fuad Mustafayev, Raul Muşarapov, İslam Mehrəliyev, Səid Nəsirov, Nicat Orucov, Tural ⁠Həsənov, Elmir ⁠Məmmədov, Nadir ⁠Babayev, Əli ⁠Kərimov.

BAKU.WS – (forma – sarı-qara) – Elçin İbrahimov, Azad Əliyev, Sərxan Rəşidli, Orxan Hüseynov, Təbriz Məmmədli, Balabəy Orucov, Məhəmmədəli Seyidov, Taleh Sultanov, Şahin Həbibov, Əli Əliyev, Renat Sultanov, Emin Abdullayev, Səbuhi Yusifzadə.

Oktyabrın 4-də isə C qrupu üzrə saat 16:00-da Zəfər-44 Ardanışı qəbul edəcək. Saat 17:00-da D qrupu üzrə CBC Sport-AnewZ, saat 18:00-da isə Gəncəvi Media- VƏTƏN komandalarının mübarizəsi başlayacaq.

Komandaların heyətləri belədir:

“Zəfər 44” – (forma – zoğalı) – Ruslan Bayramov, Saməddin Əhmədov, İsmayıl Qafarlı, Fərrux Mahmudov, Elçin Zülfüqarov, Tural Mehdiyev, Ramin Teyyubov, Babək Əliyev, Dilqəm Məmmədov, Murad Fərzəliyev.

Ardanış – (forma-yaşıl) – Əsgər İbrahimov, İsmayıl Əliyev, İlqar Xələfov, Emin Qasımov, Hidayət Xudiyev, Ramiz Vəlizadə, Sənan Ocaqverdiyev, Rauf Həsənli, Rafiq Həsənov, Orxan Qasımov, Fuad Məlikov, Musa Əzizli, Səməd Yolçuyev, Cavidan Səfərov.

CBC SPORT – (forma – göy) Şəmsəddin Abbasov, Kərəmli Heybətov, Pərviz Hikmət, Fərid Ramazanov, Məhəmməd Tağıyev, Dəyanət Qarazadə, Asif Əzimov, Amil Cəfərov, Cəlil Səfərov, İbrahim Əlməmmədov, Nurlan Valehoğlu, Elvin Babayev, Tamerlan Qarayev, Əli Tağıyev.

AnewZ (Anyuz) – (forma – mavi-qırmızı) – Elburus Musayev, Natiq Məmmədov, Togrul Abduləzizov, Əfqan Poladlı, Nurani İsgəndərov, Cavid Əliyev, Əvəz Hacıyev, Elmin Qurbanov, Yusif Məmmədov, İlkin Mehdiyev, Bəhruz Qədirov, Hacı Hacıyev, Coşqun Behbudov, Fərhad Hacıyev, Elşad Hüseynov.

Gəncəvi Media – (forma- tünd göy) – Elşən Nəcəfov (Gəncəvi), Ariz Həsənoğlu, Ziyafət Əlisoy, Xəqani Əliyev, John Ayomide Arogun, Qoşqar Salmanlı, Pərvin Şıxıyev, Rəşad Bayramov, Coşğun Suleymanlı, Arif Bağırov, Yusif Əlizadə, Fərid Novruzlu, Səfər Mövsümlü.

VƏTƏN – (forma-yaşıl-qara) – Azər Hüseynov, Elvin İsmayılov, Qasım Məmmədov, Vüsal Hüseynov, Emin Ələsgərov, Ayxan Abbasov, Emil Bayramov, Emin İmaməliyev, Elvin Cəfərov, Elçin İsmayılov, Ramin Musayev, Kamran Əhmədli, Rasim Həsənov.

Bakı Tennis Akademiyasında baş tutacaq oyunları AFFA-nın hakimləri Elgün Hüseynov və Mahir Məmmədov idarə edəcək.

Xatırladaq ki, Ardanış Futbol Məktəbinin və Rakus.az saytının təşkilatçılığı, Azərbaycan Minifutbol Federasiyasının (AMF), Bakı Tennis Akademiyasının və Azfar Groupunun dəstəyi, Azərbaycan Dövlət Televiziyası (AzTv), Baku TV, ATV, Xəzər TV, CBC Sport, ATV, AnewZ telekanallarının, AZƏRTAC, APA, Gəncəvi Media agentliklərinin, Baku Media United (BAKU.WS) portalının informasiya dəstəyi, “Mister Tum”un tərəfdaşlığı ilə keçirilən turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, şəhid jurnalistlər Məhərrəm İbrahimov və Sirac Abışovun timsalında erməni terrorunun qurbanı olan media nümayəndələrimizin – Çingiz Mustafayev, Kazımağa Kərimov, Osman Mirzəyev, Alı Mustafayev, Fəxrəddin Şahbazov, Arif Hüseynzadə və Salatın Əsgərovanın öz peşələrindən əlavə, yeni nəslin sağlam ruhda vətənpərvər böyüməsinə töhfə verməkdir.

İldə bir dəfə təşkil olunan turnirin ilk ilində, yəni 2022-ci ildə 6 komanda – “Ardanış”, “Göyçə”, “Sadaxlı”, “Ada Təpə”, “Novoivanovka” və “Media” təmsil olunub. 2023-cü ildə tarixi torpaqlarımız olan İrəvan, Göyçə, Qaraqoyunlu, Loru-Borçalı, Zəngəzur, Vedibasar, Dərələyəz, Talin, Sərdarabad, Ağbaba, Abaran, Dərəçiçək, Amasiya, Çəmbərək, Qəmərli, Ardanış, Qırxbulaq kimi digər mahal, şəhər, rayon və yurdlarımızı təmsil eməsi xüsusi məna daşıyıb. Komandaların sayı 8 olub – “Qərbi Azərbaycan”, “Zəngəzur”, “Göyçə”, “Loru-Borçalı”, “İrəvan”, “Çəmbərək”, “Ardanış” və “Qaraqoyunlu”. Medianı “Qərbi Azərbaycan” adı ilə AZƏRTAC, “Zəngəzur” adı ilə AzTv təmsil edib. 2024-cü ildə turnirdə 12 komanda – “Ardanış, AzTv, AZƏRTAC, BAKU.WS, “Report” “Nərimanlı”, “Veteranlar”, “Turan”, “Hərbçilər”, “Gənclər”, “Qoşabulaq” və “Göyçə” adı altında mübarizə aparıb. Medianı 4 komanda təmsil edib. 2025-ci ildə isə turnirdə 12 komanda – AzTv, Baku TV Real Tv, “İctimai TV”, AZƏRTAC, APA, Yurd Media, Baku.WS, “Vətən”, “Veteranlar”, “Zəfər 44”, “Dəmir Yumruq” təmsil olunub. Medianı 8 komanda təmsil edib. Bu il, 2026-cı ildə Xatirə Turnirin 5 illiyi ilə əlaqədar mübarizəyə 16 komanda qoşulub – AzTv-Qalaktikos, ATV, Xəzər TV, CBC sport, AnewZ (Anyuz), AZƏRTAC, APA Sport, BAKU.WS – Baku Media UnitedBaku WS, MEDİA, Gəncəvi Media, Zəfər 44, Veteranlar, VƏTƏN, Ardanış, Əmrxeyir və Qaraqoyunlu. Medianı 10 komanda təmsil edir.

Turnir hər birində 4 komanda olmaqla 4 qrupdan ibarətdir, sentyabrın 26-da başlayıb noyabrın 15-də başa çatacaq. Qruplar üzrə dairəvi sistemlə keçiriləcək mübarizə nəticəsində qrupda xal və top hesabına 1 və 2-ci yeri tutan komandalar 4/1-ə yüksələcək. Bu oyunlarında iştirak edəcək 8 komandadan qalib gələn 4 komanda yarımfinala çıxacaq. Yarımfinalda A1-B2, C1-D2, B1-A2, D1-C2 ilə görüşəcək. Qruplar üzrə qalib komandalar FİNAL-da, məğlublar isə 3-cü yer uğurunda qarşılaşacaq. Turnirin razılaşdırılmış qaydasına əsasən, qarşılaşmalar hər biri 25 dəqiqə olmaqla iki hissədən ibarətdir. Yarımfinal və final oyunları zamanı əsas vaxtda qalib müəyyənləşməzsə, penalti təyin olunacaq. Turnirin Təşkilat Komitəsi iştirakçı komandaların nümayəndələrindən təşkil olunur və hər bir problemli məsələ komitə tərəfindən verilən qərarla həll edilir. Komandaların 10-14 nəfərlik heyətində yarış başa çatanadək heç bir dəyişiklik reallaşdırılmayacaq. Xatirə turnirində qalib komandalara, eləcə də “ən yaxşı oyunçu”, “ən çox qol vuran”, “ən yaxşı qapıçı” və “nümunəvi komanda” nominasiyaları üzrə kubok, medal və hədiyyələr nəzərdə tutulub. İştirakçılar arasında 44 günlük Vətən müharibəsi zamanı ön cəbhələrdən şəhid həmkarları kimi operativ xəbərlər, reportajlar hazırlayan jurnalistlər də var. Şəhid jurnalist Məhərrəm İbrahimovun qardaşı Əsgər İbrahimov Ardanış komandasında çıxış edəcək. Oyunların şənbə və bazar günləri saat 17:00 və 18:00-da keçiriləcək. Komandalar özlərinin idman geyimləri ilə 5+1 heyəti ilə yaşıl meydana çıxacaqlar. Oyunları AFFA-nın hakimləri idarə edəcək. Final oyunu bə bağlanış mərasimi noyabrın 15-də bazar günü saat 17:00 və 18:00-da baş tutacaq.