Milyonlarını itirən Sərdar Ortaç qumardan niyə uzaqlaşmadı? – RETRO BAKU - VİDEO
Baku Tv-də Müəllif və Yaradıcı Departamentinin təqdimatı ilə müəllif-aparıcı Afaq Hüseynovanın hazırladığı “Retro Baku” verilişinin növbəti buraxılışı efirə gedib.
Rakus.az xəbər verir ki, türkiyəli müğənni, radioaparıcı, bəstəkar, mahnı yazarı, səsyazma sənətçisi Sərdar Ortaçın həyatına həsr olunub.
Süjetdə bildirilir ki, 1970-ci il fevralın 16-da dünyaya göz açan Sərdar Ortaç 1990-cı illərdə yaradıcılığı ilə Türkiyə pop musiqisinin zirvəsinə yüksələrək geniş coğrafiyada böyük şöhrət qazanır. Lakin qazandığı böyük sərvəti, uğurlu karyerası və şəxsi həyatı zamanla qumar asılılığının qurbanı olur. Sağlamlıq problemləri, pozulan nikahı və qanunsuz qumar qalmaqalları sənətçinin həyatını getdikcə mürəkkəbləşdirir. İllər ərzində internet üzərindən qumar oynamağa davam edən müğənni milyonlarını və sahib olduğu əmlakları itirir.
Diqqətə çatdırılır ki, bu gün keçmişinə nəzər salan ulduz qumar asılılığının bütün həyatını necə məhv etdiyini və bundan böyük peşmançılıq duyduğunu etiraf edir.
Veriliş sentyabrın 27-də Baku TV-nin YouTube kanalında yayımlanıb.
Ətraflı videoada tanış ola bilərsiniz:
