Avropa İttifaqı Türkiyə ilə bağlı etiraf etdi – YENİLƏNDİ- - FOTO
Avropa İttifaqı Dəniz Qüvvələri “İrini əməliyyatı”nın Türkiyənin icazəsi olmadan aparıldığını etiraf edib.
Rakus.az xəbər verir ki, bu barədə “Anadolu Agentliyi” məlumat yayıb.
Avropa İttifaqı Dəniz Qüvvələri tərəfindən BMT-nin Liviyaya silah məhdudiyyətləri tətbiq etmək məqsədi ilə 31 mart 2020-ci ildən Aralıq dənizində “İrini” Hərəkatına başlanılıb. Ancaq bir çoxları “İrini”ni qərəzli əməliyyat sayır.
22:40
Türkiyə Almaniya, İtaliya və Avropa İttifaqına nota verib.
Rakus.az xəbər verir ki, bu barədə Türkiyə Xarici İşlər Nazirliyi (XİN) məlumat yayıb.
Bildirilir ki, Avropa İttifaqının, İtaliyanın Ankaradakı səfiri və Almaniyanın Ankaradakı müvəqqəti işlər vəkili Türkiyənin Xarici İşlər nazirinin müavini Sedat Önal tərəfindən nazirliyə çağırılıb.
Notanın səbəbi dünən Aralıq dənizi vasitəsilə Liviyaya ərzaq, boya və bu kimi məhsullar aparan Türkiyəyə məxsus ticarət gəmisində kapitanı yunan olan Almaniyaya məxsus “Hamburq” gəmisinin hərbi heyətinin beynəlxalq dəniz qanunlarına zidd olaraq axtarış aparmasıdır.
Türkiyə XİN-dən verilən açıqlamada deyilir:
“Türkiyənin icazəsi olmadan bizə məxsus “Roseline A” ticarət gəmisinə “İrini əməliyyatı” çərçivəsində minib axtarış aparılması hadisəsinə etiraz edilib. Bununla bağlı əlaqədar ölkələrə nota verilib. Notada hadisənin beynəlxalq hüquqa zidd olduğu, təzminat hüquqlarımızın qorunduğu qeyd edilib”.
Dışişleri Bakanlığı Sözcüsü Hami Aksoy’un, Türk Bayraklı bir Ticari Geminin Irini Harekâtı Kapsamında Ülkemizin Rızası Olmadan Denetime Tabi Tutulması Hakkındaki Soruya Cevabı https://t.co/LtTZ9uQm1I pic.twitter.com/wHY67ZVzKh
— T.C. Dışişleri Bakanlığı (@TC_Disisleri) November 23, 2020
