Xatirə Turnirində 5-ci turun nəticələri - FOTO
Oktyabrın 24-25-də Müstəqilliyin Bərpası Günü (18 oktyabr) və Zəfər Günü (8 Noyabr) münasibətilə Azərbaycanın Şəhid Jurnalistlərinin xatirəsinə həvəskar komandalardan ibarət 5-ci Ənənəvi Minifutbol Turnirində 5-ci turun oyunları keçirilib.
Rakus.az xəbər verir ki, şənbə günü A qrupunda AzTV-Əmirxeyir oyunu 4:5 hesabı ilə başa çatıb. AZƏRTAC-Veteranlar görüşündə isə yaşlılar 13-5 hesabı ilə qalib gəliblər.
Bakı Tennis Akademiyası
24 Oktyabr – V TUR
A qrupu
17:00 — AzTV-Əmirxeyir – 4:5
Qollar: Rəşad Əhmədov 2, Səlim Abbasov 2 (AzTv)
Ramazan Abbasov 2, Bəxtiyar Hacıyev 3 (Əmirxeyir)
xxx
18:00 — AZƏRTAC-Veteranlar – 5:13
Qollar: Fuad İsmayılov 2,Ənvər Kərimov 1, Cəmil Mehdiyev 1 (AZƏRTAC)
Müsayir Məmmədov 8, Araz Qurbanov 3, İsrail İsmayılov 1, Rəşad Məmmədalıyev 1 (Veteranlar)
Xal vəziyyəti: Veteranlar 9 xal, Əmirxeyir 6 xal, AzTV 3 xal, AZƏRTAC 0 xal.
Oyunları AFFA-nın hakimləri Vüsal Balaşov, Ramin Namazov idarə ediblər.
xxx
Oktyabrın 25-də isə B qrupunda ATV ilə Qaraqoyunlu qarşılaşıb və oyun 1:3 olub. APA-MEDİA görüşü isə gərgin mübarizə şəraitində keçib və oyunda 6:2 hesablı nəticə qeydə alınıb.
Bakı Tennis Akademiyası
25 Oktyabr – V tur
B qrupu
17:00 — ATV- Qaraqoyunlu -1:3
Qollar: .avtoqol Orxan Sıfərov (ATV)
Şəhriyar Hacıyev 2, Orxan Səfərov 1, Avtoqol (Qaraqoyunlu)
SARI KART: Rauf Akifoğlu (ATV)
xxx
18:00 — APA-MEDİA – 6:2
Qollar: Ulucay Məmmədov 3, Rəşad Aslanov 2, Şair Abdullayev 1 (APA)
Cavidan Şükürov 1, Rafiq Axundov 1 (MEDİA)
Xal vəziyyəti: Qaraqoyunlu 9, ATV 6 xal, APA 3, MEDİA 0 xal
Oyunları AFFA-nın hakimləri Elgün Hüseynov və Anar Fərəcov idarə ediblər.
Altıncı turun oyunları oktyabrın 31-də və noyabrın 1-də C və D qrupları üzrə baş tutacaq.
Xatırladaq ki, Ardanış Futbol Məktəbinin və Rakus.az saytının təşkilatçılığı, Azərbaycan Minifutbol Federasiyasının (AMF), Bakı Tennis Akademiyasının və Azfar Groupunun dəstəyi, Azərbaycan Dövlət Televiziyası (AzTv), Baku TV, ATV, Xəzər TV, CBC Sport, ATV, AnewZ telekanallarının, AZƏRTAC, APA, Gəncəvi Media agentliklərinin, Baku Media United (BAKU.WS) portalının informasiya dəstəyi, “Mister Tum”un tərəfdaşlığı ilə keçirilən turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, şəhid jurnalistlər Məhərrəm İbrahimov və Sirac Abışovun timsalında erməni terrorunun qurbanı olan media nümayəndələrimizin – Çingiz Mustafayev, Kazımağa Kərimov, Osman Mirzəyev, Alı Mustafayev, Fəxrəddin Şahbazov, Arif Hüseynzadə və Salatın Əsgərovanın öz peşələrindən əlavə, yeni nəslin sağlam ruhda vətənpərvər böyüməsinə töhfə verməkdir. İldə bir dəfə təşkil olunan turnirin ilk ilində, yəni 2022-ci ildə 6 komanda – “Ardanış”, “Göyçə”, “Sadaxlı”, “Ada Təpə”, “Novoivanovka” və “Media” təmsil olunub. 2023-cü ildə tarixi torpaqlarımız olan İrəvan, Göyçə, Qaraqoyunlu, Loru-Borçalı, Zəngəzur, Vedibasar, Dərələyəz, Talin, Sərdarabad, Ağbaba, Abaran, Dərəçiçək, Amasiya, Çəmbərək, Qəmərli, Ardanış, Qırxbulaq kimi digər mahal, şəhər, rayon və yurdlarımızı təmsil eməsi xüsusi məna daşıyıb. Komandaların sayı 8 olub – “Qərbi Azərbaycan”, “Zəngəzur”, “Göyçə”, “Loru-Borçalı”, “İrəvan”, “Çəmbərək”, “Ardanış” və “Qaraqoyunlu”. Medianı “Qərbi Azərbaycan” adı ilə AZƏRTAC, “Zəngəzur” adı ilə AzTv təmsil edib. 2024-cü ildə turnirdə 12 komanda – “Ardanış, AzTv, AZƏRTAC, BAKU.WS, “Report” “Nərimanlı”, “Veteranlar”, “Turan”, “Hərbçilər”, “Gənclər”, “Qoşabulaq” və “Göyçə” adı altında mübarizə aparıb. Medianı 4 komanda təmsil edib. 2025-ci ildə isə turnirdə 12 komanda – AzTv, Baku TV Real Tv, “İctimai TV”, AZƏRTAC, APA, Yurd Media, Baku.WS, “Vətən”, “Veteranlar”, “Zəfər 44”, “Dəmir Yumruq” təmsil olunub. Medianı 8 komanda təmsil edib. Bu il, 2026-cı ildə Xatirə Turnirin 5 illiyi ilə əlaqədar mübarizəyə 16 komanda qoşulub – AzTv-Qalaktikos, ATV, Xəzər TV, CBC sport, AnewZ (Anyuz), AZƏRTAC, APA Sport, BAKU.WS – Baku Media UnitedBaku WS, MEDİA, Gəncəvi Media, Zəfər 44, Veteranlar, VƏTƏN, Ardanış, Əmrxeyir və Qaraqoyunlu. Medianı 10 komanda təmsil edir.
Turnir hər birində 4 komanda olmaqla 4 qrupdan ibarətdir, sentyabrın 26-da başlayıb noyabrın 15-də başa çatacaq. Qruplar üzrə dairəvi sistemlə keçiriləcək mübarizə nəticəsində qrupda xal və top hesabına 1 və 2-ci yeri tutan komandalar 4/1-ə yüksələcək. Bu oyunlarında iştirak edəcək 8 komandadan qalib gələn 4 komanda yarımfinala çıxacaq. Yarımfinalda A1-B2, C1-D2, B1-A2, D1-C2 ilə görüşəcək. Qruplar üzrə qalib komandalar FİNAL-da, məğlublar isə 3-cü yer uğurunda qarşılaşacaq. Turnirin razılaşdırılmış qaydasına əsasən, qarşılaşmalar hər biri 25 dəqiqə olmaqla iki hissədən ibarətdir. Yarımfinal və final oyunları zamanı əsas vaxtda qalib müəyyənləşməzsə, penalti təyin olunacaq. Turnirin Təşkilat Komitəsi iştirakçı komandaların nümayəndələrindən təşkil olunur və hər bir problemli məsələ komitə tərəfindən verilən qərarla həll edilir. Komandaların 10-14 nəfərlik heyətində yarış başa çatanadək heç bir dəyişiklik reallaşdırılmayacaq. Xatirə turnirində qalib komandalara, eləcə də “ən yaxşı oyunçu”, “ən çox qol vuran”, “ən yaxşı qapıçı” və “nümunəvi komanda” nominasiyaları üzrə kubok, medal və hədiyyələr nəzərdə tutulub. İştirakçılar arasında 44 günlük Vətən müharibəsi zamanı ön cəbhələrdən şəhid həmkarları kimi operativ xəbərlər, reportajlar hazırlayan jurnalistlər də var. Şəhid jurnalist Məhərrəm İbrahimovun qardaşı Əsgər İbrahimov Ardanış komandasında çıxış edəcək. Oyunların şənbə və bazar günləri saat 17:00 və 18:00-da keçiriləcək. Komandalar özlərinin idman geyimləri ilə 5+1 heyəti ilə yaşıl meydana çıxacaqlar. Oyunları AFFA-nın hakimləri idarə edəcək. Final oyunu bə bağlanış mərasimi noyabrın 15-də bazar günü saat 17:00 və 18:00-da baş tutacaq.
OYUNLARIN CƏDVƏLİ
26 Sentyabr, Şənbə
I TUR
17:00 — AzTV – AZƏRTAC – 4:2
18:00 — Veteranlar – Əmirxeyir – 4:2
27 Sentyabr, Bazar
17:00 — ATV – APA – 10:4
18:00 — MEDİA – Qaraqoyunlu – 2:7
3 Oktyabr, Şənbə
II TUR
17:00 — Xəzər TV – Baku Ws – 6:1
4 Oktyabr, Bazar
16:00 — Zəfər-44 – Ardanış – 3:3
17:00 — CBC Sport – AnewZ – 5:0
18:00 — Gəncəvi Media – VƏTƏN 1:4
10 Oktyabr, Şənbə
III TUR
17:00 — AzTV-Veteranlar – 4:5
18:00 — AZƏRTAC-Əmirxeyir – 2:10
11 Oktyabr, Bazar
17:00 — ATV- MEDİA – 5:1
18:00 — APA-Qaraqoyunlu – 4:5
17 Oktyabr, Şənbə
IV TUR
17:00 — Xəzər TV – Zəfər-44 – 7:1
18:00 — BakuWS – Ardanış – 3:5
18 Oktyabr, Bazar
17:00 — CBC Sport – Gəncəvi Media- 2:7
18:00 — AnewZ – VƏTƏN – 5:3
24 Oktyabr, Şənbə
V TUR
17:00 — AzTV – Əmirxeyir – 4:5
18:00 — AZƏRTAC – Veteranlar – 5:13
25 Oktyabr, Bazar
17:00 — ATV – Qaraqoyunlu
18:00 — APA – MEDİA
31 Oktyabr, Şənbə
VI TUR
17:00 — Xəzər TV – Ardanış
18:00 — BakuWS – Zəfər-44
1 Noyabr, Bazar
17:00 — CBC Sport – VƏTƏN
18:00 — AnewZ – Gəncəvi Media
7 noyabr – 1/4
A1-B2 – 17:00
C1-D2 – 18:00
8 noyabr– 1/4
17:00 B1-A2
18:00 D1-C2
14 noyabr– YARIMFİNAL
17:00 A1/B2 – C1/D2
18:00 B1/A2 – D1/C2
15 noyabr – 3-cü yer
FİNAL – MÜKAFATLANDIRMA
17:00/18:00
