Ardanış Kənd İcmasında yeni şuralar yaradılıb
Qərbi Azərbaycanın Göyçə mahalının Çəmbərək rayonunun Ardanış Kənd İcmasının İdarə Heyətinin növbəti iclası keçirilib.
Rakus.az xəbər verir ki, “Şahənşah” Şadlıq Sarayında keçirilən iclasda Ardanış kənd icmasının sədri Məhəmməd Kərimov icmanın işinin daha səmərəli və əhatəli olması üçün bir çox şuranın yaradılmasına ehtiyac duyulduğunu bildirib.
O deyib ki, bu gün Azərbaycanm dövlətinin haqlı mübarizəsinin bir qolu da məhz Qərbi Azərbaycan və oranın əzəli sakinləri olan Qərbi azərbaycanlılarla bağlıdır: “Dövlətimizin bu sahəyə diqqətini nəzərə alaraq hər birimiz bu işdə üzərimizə düşən işləri ləyaqətlə yerinə yetirməliyik. İndiki Ermənistanda doğulub boya-başa çatmış insanların qayıdış hüququnun bərpası üçün onların ictimai fəaliyyətinin artırılması çox vacibdir. Əminik ki, biz haqlı mübarizədə qalib çıxacaq, yenidən əzəli yurdumuzun vətəndaşlıq hüququnu qazanacağıq”.
M.Kərimov kənd icmasının işinin daha effektli hala gətirilməsi və bütün sahələri əhatə etməsi üçün Ağsaqqallar, Ziyalılar, Gənclər və İdman, Qadınlar, Beynəlxalq və Diasporla İş, Sosial Məsələlər şuralarının yardılmasını təklif edib və müzakirəyə çıxarıb.
İdarə Heyətinin üzvləri – Rəşid Süleymanov, Səməd Axundov, Daşdəmir Əliyev, Vaqif Həsənov, Sona İsmayılova, Aqil Kərimov, Əsgər İbrahimov, Vaqif Kərimov, Hümbət Hüseynov, eləcə də icma üzvü Zaur Məmmədov və başqaları fikir və müəlahizələrini söyləyərək təklifi əhəmiyyətli hesab ediblər. Onlar bildiriblər ki, şuraların yaradılması və fəaliyyəti icmanın ümumi işinə təkan verəcək.
Sonra ayrı-ayrı şuralar üzrə sədrlərin seçilməsi prosesi başlayıb.
Beləliklə, Ağsaqqallar Şurasına Səməd Axundov, Ziyalılar Şurasına Vaqif Həsənov, Qadınlar Şurasına Mahirə Qurbanova, Gənclər və İdman Şurasına Rəşad Sülüymanlı, Beynəlxaql və Diasporla İş Şurasına Kərəm Axundov, Sosial Məsələlər Şurasına Daşdəmir Əliyev sədr seçiliblər.
Şura sədrləri göstərilən etimada görə təşəkkür edib, icmanın işinin səmərəli və canlanması üşün üçün çalışacaqlarını bildiriblər.
SİYAHI
Axundov Səməd Hüseyn oğlu – Ağsaqqallar Şurasının sədri
Həsənov Vaqif Mikayıl oğlu – Ziyalılar Şurasının sədri
Qurbanova Mahirə Şükür qızı – Qadınlar Şurasının sədri
Süleymanlı Rəşad Rəşid oğlu – Gənclər və İdman Şurasının sədri
Axundov Kərəm Əli oğlu – Beynəlxalq və Diasporla İş Şurasının sədri
Əliyev Daşdəmir Oruc oğlu – Sosial Məsələlər Şurasının sədri
Müəllif Əsgər Əlioğlu
