Atasını itirdi, 6-cı sinifdə “ana” oldu – “Arzunun vaxtı” - VİDEO
Bu gün Baku Tv-də Müəllif və Yaradıcı Departamentinin təqdimatı ilə müəllif-aparıcı Arzu Səfərovanın hazırladığı “Arzunun vaxtı” verilişinin növbəti buraxılışı yayımlanıb.
Rakus.az xəbər verir ki, verilişin budəfəki qəhrəmanları serebral iflicdən əziyyət çəkən 30 yaşlı Fazil və həyatını ona həsr edən bacısı Adina olub.
Atasını altıncı sinifdə oxuyarkən itirən Adina o vaxtdan etibarən ailəsinin məsuliyyətini öz üzərinə götürüb. Onun sözlərinə görə, atasının vəfatından sonra anası ailəni təkbaşına ayaqda saxlamağa çalışıb, özü isə evdə kiçik bacısı və qardaşının qayğısına qalıb. Adina qardaşını tək qoymamaq üçün ailə qurmadığını bildirib: “Qardaşımla yaşayıram, onunla nəfəs alıram. Mən qardaşıma görə ailə qurmamışam. Ailəmə baxacaq heç kim olmadığı üçün öz həyatımı düşünməmişəm. Yaşadığım müddətcə qardaşıma baxmaq, gücüm və imkanım çatdığı qədər ona hər yeri gəzdirmək istəyirəm”. Ailəsini dolandırmaq üçün müğənniliklə məşğul olan Adina sosial şəbəkələrdə göründüyü qədər xoşbəxt olmadığını da etiraf edib: “Sadəcə yalandan gülürəm. Elə görünməyə çalışmaq elə olmaq demək deyil. Mən heç vaxt evə, maşına, var-dövlətə paxıllıq etməmişəm. Sadəcə insanların xoşbəxtliyinə baxıb düşünmüşəm ki, niyə bizim də üzümüz bir dəfə gülmür?”
Veriliş iyulun 18-də Baku TV-nin efirində və YouTube kanalında yayımlanıb.
Ətraflı videoada tanış ola bilərsiniz:
