Avstriyanın ultra-sağçı lideri istefa verdi – TƏHLİL - FOTO
Avstriyanın vitse-kansleri və ultra-sağçı lideri Hans-Kristian Straş şənbə günü sağçı koalisiya hökümətin hakimiyətdən getməsinə səbəb ola biləcək “fəlakətli” video görüntüsü səbəbilə istefa verdiyini elan edib.
Rakus.az xəbər verir ki, naməlum mənbələrdən əldə olunan video görüntüdə Azadlıq Partiyasının lideri Straşın 2017-ci ildə qalib olduğu seçkidən qısa müddət sonra Rusiya oliqarxının qohumu olduğunu söyləyən bir qadınla görüşdüyü göstərilir.
Avropa Parlament seçkilərindən bir həftə öncə Almaniya mediası tərəfindən cümə günü yayımlanan bu videoda Straşın siyasi və maddi dəstək müqabilində bir şirkətə müavilələr təklif etdiyi göstərilir.
“Bu, ağılsızlıq, məsuliyyətsizlik və səhv idi”, Straş mətbuat konfransında bildirib. Göz yaşı axıdan Ştraş həyat yoldaşı və başqalarının onu bağışlamasını istəyib. Lakin o, qanunsuz heç nə etmədiyini və bunun “hədəfli siyasi sui-qəsd” olduğunu deyib.
“Mənim sözlərim fəlakətli və çox utanc verici olub” – deyə, o, videoya istinad edərək söyləyib. Həmin videoda Straş həmçinin partiyanın maliyyə qaydalarından və onlardan yan keçməyin yollarından bəhs edir, lakin eyni zamanda qanuni şəkildə hərəkət etməkdə israr edir.
“Bu, alqokolun təsiri altında edilən tipik maço davranışdır. Bəli, mən cazibədar qadını cəlb etməyə çalışırdım və özümü lovğalanan yeniyetmə kimi aparırdım”, – o deyib.
Straş onu partiyadakı müavini, nəqliyyat naziri Norbet Hoferin əvəzləyəcəyini söyləyib. Hofer 2016-cı ildə az səs fərqi ilə prezident seçkisində məğlub olub və Straşdan daha populyardır.
“Mən heç bir halda, yanlış davranışımın hökümətin çökməsinə səbəb olmasını istəmirəm”, – Straş deyib.
Sosial Demokratlar, liberal Neos partiyası və Yaşıllar daxil olmaqla müxalif partiyalar erkən seçkinin keçirilməsinə çağırıb. Üzərində solçu şüarlar yazılan plakatlar tutan yüzlərlə insan Kurzun ofisinin önündəki meydanda toplaşaraq, “erkən seçki” şüarları səsləndirib.
Kurzun koalisiya seçimləri məhduddur. Onun partiyası rəy sorğularında öndə getsə də, əksəriyyəti təşkil edə bilmir. Azadlıq Partiyasından başqa parlamentdə çoxluq təşkil edə biləcək digər partiya Sosial Demokratlardır. Kurzun isə onlarla çətin münasibətləri var.
Xatırladaq ki, iki gün əvvəl Avstriyanın müxalifət partiyaları hazırkı koalisiyalı hökumətin vitse-kansleri Haynts-Kristian Ştraxenin tutduğu vəzifədən istefa verməsini tələb ediblər.
Buna səbəb H.K.Ştraxenin 2017-ci ilin yayında İspaniyanın İbiza adasında tətildə olarkən gizli kamera ilə çəkilmiş videomaterialla bağlı siyasi qalmaqalın yaranmasıdır. Avropa Parlamentinə seçkilər öncəsi yayılan videomaterial Avstriyada ciddi rezonans doğurub. Videoda özünü rus oliqarxlarından birinin qohumu kimi təqdim edən şəxslə H.K.Ştraxenin söhbəti və bu söhbət zamanı partiyaların maliyyələşdirilməsi, bu maliyyələşmənin seçkilərə təsiri və əvəzində investisiya imkanlarının yaradılması, aparıcı mətbuatda partiya üçün təbliğatın aparılması kimi məsələlər yer alıb.
H.K.Ştraxenin sədri olduğu Avstriya Azadlıq Partiyasından videomaterial ilə bağlı heç bir açıqlama verilməsə də, müxalifət partiyaları onun vəzifəsindən getməsini, həmçinin koalisiyalı hökumətin istefasını tələb ediblər.
