ABŞ-da yoluxma sayı 7 milyonu keçdi
ABŞ-da COVID-19 infeksiyasına yoluxma hallarının sayı 7 milyonu ötüb.
Rakus.az xəbər verir ki, sentyabrın 20-də ölkədə koronavirusa yoluxanların sayı 33 min 344 nəfər, ölənlərin sayı isə 294 nəfər təşkil edib.
Bu günə qədər ölkədə 7 milyon 4768 nəfər koronavirus infeksiyasına yoluxub, 204 min 118 nəfər həyatını itirib. Hazırda müalicəsi davam edən 2 milyon 550 min xəstənin 14 mindən çoxunun vəziyyəti ağır qiymətləndirilir. Eyni zamanda, 4 milyon 250 min nəfərin COVID-19 xəstəliyindən sağaldığı bildirilir.
Birləşmiş Ştatlar həm COVID-19 infeksiyasına yoluxma, həm də ölüm hallarının sayına görə dünyada birinci yerdədir.
Saytın son məlumatına əsasən, sentyabrın 20-də dünyada koronavirusa yoluxanların sayı 249 min 136 nəfər artaraq 31 milyon 254 min 734 nəfərə, ölənlərin sayı isə 3 min 891 nəfər artaraq 965 min 199 nəfərə çatıb. Həmçinin 22 milyon 839 min nəfər COVID-19 xəstəliyindən sağalıb.
Xatırladaq ki, mart ayının 11-də Ümumdünya Səhiyyə Təşkilatı yeni koronavirus infeksiyasının yayılmasını pandemiya elan edib.
