ABŞ-da qətliam törədənin dostu həbs edildi - FOTO
ABŞ rəsmiləri Ohayo ştatının Deyton şəhərində odlu silah və 100 patronlu daraqdan istifadə edərək 9 nəfəri qətlə yetirən şəxs üçün gülləkeçirməz gödəkçəni aldığını etiraf edən dostunun həbs edildiyini bildirib.
Rakus.az xəbər verir ki, mərkəzi-qərb bölgəsindəki şəhərin prokurorları Ethan Kollinin hücum üçün Konnor Bettsə gərək olan avadanlıqları aldığını və valideynləri görməsin deyə öz evində gizlətdiyini deyib.
Bu detallar qətliamda istifadə olunmayan tapançanı almaq üçün doldurduğu federal anketdə marixuanadan istifadə etmədyini deməsinə görə Kolliyə qarşı ittiham irəli sürdükdən sonra üzə çıxıb.
Xatırladaq ki, avqustun 4-də 22 yaşlı bacısı Meqan Bettsi qətlə yetirdikdən sonra Deyton şəhərinin gecə klubuna hücum edən 24 yaşlı Konnor Betts polis onu öldürənədək orada da 8 nəfəri qətlə yetirib, 27 nəfəri yaralayıb.
Birləşmiş Ştatlar prokuroru Kollinin avqustun 4-də Bettsin planlaşdırdığı hücumda qəsdən iştirak etdiyinə dair heç bir dəlil və iddianın olmadığını bildirib.
Polis hələ də hücumun motivini açıqlamayıb.
