ABŞ-da kşyoluxma sayı 10 milyon nəfəri ötdü
Noyabrın 6-da ABŞ-da koronavirusa rekord sayda – 132 min 540 yoluxma halı qeydə alınıb, 1248 nəfər isə COVID-19 infeksiyası səbəbindən həyatını itirib.
Rakus.az xəbər verir ki, noyabrın 5-də ölkədə koronavirusa yoluxanların sayı 123 min 718 nəfər, ölənlərin sayı isə 1154 nəfər olub.
İndiyədək Birləşmiş Ştatlarda koronavirusa 10 milyon 60 min 464 nəfər yoluxub, 242 min 256 nəfər vəfat edib, 6 milyon 392 min 329 nəfər isə sağalıb. Müalicəsi davam edən 3 milyon 425 min 879 xəstədən 18 min 303 nəfərin vəziyyəti ağır qiymətləndirilir.
Texas ştatında COVID-19 infeksiyasına yoluxanların sayı 1 milyon 7 min 155 nəfərdir. Kaliforniyada 965 min 523, Floridada 832 min 625, Nyu-Yorkda 558 min 950 yoluxma halı qeydə alınıb.
Birləşmiş Ştatlar həm COVID-19 infeksiyasına yoluxma, həm də ölüm hallarının sayına görə dünyada ilk yerdə qərarlaşıb.
Xatırladaq ki, mart ayının 11-də Ümumdünya Səhiyyə Təşkilatı yeni koronavirus infeksiyasının yayılmasını pandemiya elan edib.
