Rumıniyanın paytaxtı Buxarestdə keçirilən güləş üzrə Avropa çempionatı davam edir. Matc.az saytının məlumatına görə, bu gün yunan-Roma güləşi üzrə yarışlara start veriləcək.
İlk olaraq 55, 63, 77, 87 və 130 kq-da çıxış edən güləşçilər döşək üzərinə çıxacaqlar.
Bütün pəhləvanlarımız mübarizəyə təsnifat mərhələsindən başlayacaqlar.
55 kq
Eldəniz Əzizli ilk görüşündə serbiyalı Sebastyan Kolomparla qarşılaşacaq.
63 kq
Taleh Məmmədov isə mübarizəyə Moldova təmsilçisi Donior İslamovla start verəcək.
77 kq
Elvin Mürsəliyev ilk görüşündə alma Roland Şvartsı sınağa çəkəcək.
87 kq
İslam Abbasovun da ilk rəqibi almaniyalıdır. O, Denis Kudlanı yolundan kənarlaşdırmalıdır.
130 kq
Sabah Şəriəti isə əvvəlcə Stepan Davidlə (Çexiya) mübarizədən qalib ayrılmalıdır.
Bundan əlavə ötən gün mübarizəyə başlamış qadın güləşçilərdən üçü də medal uğrunda yarışa çıxacaqlar.
57 kq
Alyona Kolesnik təsəlliverici görüşdə rumıniyalı Denis Fodorla qarşılaşacaq.
62 kq
Tatyana Omelçenko yarımfinalda Taybe Yuseini (Bolqarıstan) sınağa çəkəcək.
65 kq
Elis Manalova “qızıl” uğrunda yarışacaq. Onun sonuncu rəqibi rumıniyalı Krista İnçe olacaq.
