Aktrisanın 12 yaşlı qızı anasının yolunu gedir - FOTO
Aktrisa Mila Yavoviçin 12 yaşlı qızı Ever Qabo Anderson məşhurluq yolunda addımlamağa davam edir.
Müxtəlif obrazlarda kamera qarşısına keçən balaca ulduz rəngli makiyajı və geyimləri ilə diqqət çəkib.
Jurnala müsahibə verən Ever aktrisalıq haqda fikirlərini də bölüşüb:
“Kiminsə obrazını canlandıranda yaşadığım hisslər xoşuma gəlir. Çəkiliş meydançasında olduğum ilk gündən aktyorluğa vurulmuşam. Sanki, orada bütün qaydaları bilən insanlarla oyun oynayırsan. Mənim məktəbimdəki uşaqların buna həvəsi yoxdur. Ona görə də, aktrisalığı digər insanların əhatəsində edirəm”.
Xatırladaq ki, Ever Hollivud ulduzu Skarlet Yohansonla birlikdə “Qara dul” filmində çəkilib. Bundan əlavə o, “Piter Pen və Vendi” adlanacaq ekran işində “Vendi” obrazını canlandıracaq.
