“Zita və Gita”dan deputatlığa: Hema Malini necə əfsanəyə çevrildi? – RETRO BAKU - VİDEO
Bu gün Baku Tv-də Müəllif və Yaradıcı Departamentinin təqdimatı ilə müəllif-aparıcı Afaq Hüseynovanın hazırladığı “Retro Baku” verilişinin növbəti buraxılışı efirə gedib.
Rakus.az xəbər verir ki, veriliş 1970-ci illərdə “Zita və Gita”, “Qisas” kimi məşhur filmlərdəki rolları ilə Bollivudun ən böyük ulduzlarından birinə çevrilən Hema Malininin həyat hekayəsinə həsr olunub.
Bildirilir ki, 1948-ci ildə Tamil Naduda doğulan H.Malini anasının səyi ilə klassik hind rəqslərinə yiyələnərək sənətə gəlib və 1968-ci ildə çəkildiyi ilk böyük rolundan sonra “Xəyal Qızı” ləqəbini qazanıb: “Şəxsi həyatı qalmaqallarla keçən aktrisa ailəsinin arzuladığı evlilikdən imtina edərək evli aktyor Dharmendra ilə sevgili olub. Dharmendra ilk arvadından boşana bilmədiyi üçün onlar islam dinini qəbul edərək 1980-ci ildə kəbin kəsdiriblər. Bu isə cəmiyyətdə və mətbuatda böyük rezonans doğurub”.
Qeyd olunur ki, Hema Malini cəmiyyət tərəfindən uzun müddət “ikinci qadın” damğası ilə yaşamaq məcburiyyətində qalmasına baxmayaraq, sənət fəaliyyətini davam etdirərək sonrakı illərdə də ana və yetkin qadın obrazları ilə tamaşaçıların rəğbətini qazanıb.
Sonda vurğulanır ki, 2000-ci illərdə siyasətə qoşularaq deputat seçilən Hema Malini bu gün də Hindistan kinosunun ən nüfuzlu simalarından biri olaraq qalır.
Veriliş iyulun 28-də Baku TV-nin efirində və YouTube kanalında yayımlanıb.
Ətraflı videoada tanış ola bilərsiniz:
