“Aşıq Pəri Məclisi” onlayn konsertini təxirə saldı
“Aşıq Pəri Məclisi” Ozan Sənətinin Təbliği İctimai Birliyinin “YouTube” və “facebook” sosial şəbəkəsindəki səhfələri vasitəsilə XX əsr Azərbaycan ədəbiyyatının görkəmli nümayəndələrindən biri Narınc Xatunun 90 illiyinə həsr olunmuş “Ustadlarım gəlib gedər, sazım, sözüm əbədidir” mövzusunda birinci onlayn yubley konserti təxirə salınıb.
Rakus.az xəbər verir ki, bu barədə “Aşıq Pəri Məclisi”nin mətbuat katibi Güllü Eldar Tomarlı məlumat verib.
Onun sözlərinə görə, onlayn konsertin keçirilmə tarixi barədə yaxın günlərdə ictimaiyyətə məlumat veriləcək.
Onlayn konsertdə “Aşıq Pəri Məclisi”nin rəhbəri Pərvanə Zəngəzurlu, bədii rəhbəri və mətbuat katibi Güllü Eldar Tomarlı, Səadət Buta, Südabə İrəvanlı, Cəvahir Qaraqızı, Gözəl Kəlbəcərli, Lətifə Çeşməli, Kəmalə Məhyəddinqızı və Ayşə Səyyadqızı iştirak edəcəklər.
