Asan arıqlamaq üçün crossfit edin – MƏSLƏHƏT
Artıq çəki, arıqlamaq. Bu sözləri gündəlik həyatda o qədər eşidirik ki… Arıqlamaq üçün pəhrizlər, reseptlər tərtib edən kim, idman zallarına, həkimə, dietoloqa müraciət edən kim. Bunun nəticəsini görənlər də olur, görməyənlər də. Sual aktualdır: “Necə arıqlamaq olar?”, “Arıqlamaq üçün nə etmək lazımdır?”
Rakus.az xəbər verir ki, arıqlamaq istəyənlərin baş vurduğu idman növlərindən biri də dünyada məşhur brend olan crossfitdir. Artıq bu məşhur brendin xidmətlərindən paytaxt Bakıda da istifadə olunur.
Crossfit nədir? Crossfit daim dəyişən, yüksək intensivli funksional hərəkətlərin üzərində qurulmuş fitness növüdür. Bu fitness özü artıq brendə çevrilib. Crossfitin yaradıcısı Qreq Qlasmmandır. Crossfit üçün idman zalı ilə yanaşı, təbiət, üzgüçülük hovuzu, stadion üçün nəzərdə tutulmuş proqramlar da var.
Crossfit zamanı həyata keçirilən hərəkətlər ağır atletika, yüngül atletika və gimnastika idman növlərinin kombinasiyasıdır.
Crossfitlə arıqlamaq həqiqətən daha asandır. Belə ki, crossfitlə müəyyən effektiv nəticə əldə etmək mümkündür. Lakin artıq çəkidən xilas olmaq yalnız idmanla bitmir.
