Qərbi Azərbaycanlıların real həyat hekayələrinin məcmuəsi - FOTO
Azərbaycan Respublikası Gənclər Fondunun dəstəyi ilə Qərbi Azərbaycanlıların real həyat hekayələrindən ibarət böyük bir məcmuə yaradılıb.
Rakus.az xəbər verir ki, məcmuə layihəsi Qərbi Azərbaycanlılara qarşı yönəlmiş mifləri və təbliğatı ifşa edir.
Azərbaycan Respublikası Gənclər Fondu 2025-ci ildə Konstitusiya və Suverenlik İli çərçivəsində qrant müsabiqəsi təşkil edib. Bakı Dövlət Universitetinin (BDU) Beynəlxalq Münasibətlər kafedrasının doktorantı Xalid Ələkbərovun “Qərbi Azərbaycanlıların real həyat hekayələrinin məcmuəsi. Son tarixi mənbələr təbliğata qarşı” adlı layihəsi qalibləri sırasında yer alıb. Layihə Qərbi Azərbaycan əsilli vətəndaşlardan məlumatların toplanmasına əsaslanır. Layihə Bakı, Sumqayıt, Xırdalan, Naxçıvan Muxtar Respublikası, Gəncə və Azərbaycanın digər bölgələrində həyata keçirilib. Layihə iştirakçılarından gələn məlumatlar sayəsində keçmiş sovet Ermənistanı ərazisində insan hüquqlarının vəziyyəti haqqında məlumat əldə etmək mümkün olub. Birinci Qarabağ müharibəsindən, xüsusən də 1988-ci ilin fevral ayında Sumqayıtda baş vermiş hadisələrindən xeyli əvvəl, Azərbaycan əhalisinin qovulması planlarını göstərən məlumatlar toplanıb.
Bundan əlavə, respondentlərin əksəriyyəti Qərbi Azərbaycandakı evlərinin qovulmadan sonra aldıqları evlərdən daha yaxşı olduğunu bildiriblər. Respondentlərin əksəriyyəti evlərini satmadıqlarını qeyd ediblər. Bu və digər məlumatlar Qərbi azərbaycanlıların öz qanuni əcdad torpaqlarına qayıtmasının əleyhinə olanların təbliğatını sarsıdır.
X.Ələkbərovun sözlərinə görə, Ermənistan Respublikasının rəhbərliyi Qərbi azərbaycanlılara qarşı sistematik pozuntuları etiraf etməli və araşdırmalıdır.
Layihənin icrasına verdikləri dəstəyə görə Cülfa Rayon İcra Hakimiyyəti baçısı əvəzi Sara xanım Hüseynovaya, icra hakimiyyətinin əməkdaşı Mədinə xanıma, Kəngərli Rayon İcra Hakimiyyətinin baçısı Kamal Ələkbərova, eləcə də Kəngərli rayonu Çalxanqala, Culfa rayonu Şurud və Gial kəndlərinin icra numayəndələrinə, Qərbi Azərbaycan İcmasının Kəngərli rayon üzrə sədri Ələsgər müəllimə xüsusi təşəkkürümüzü bildiririk.
