ABŞ ölən vətəndaşlarına 1,4 milyard dollar ayırdı
ABŞ hökuməti koronavirus (COVID-19) pandemiyası ilə əlaqədar dəstək proqramı çərçivəsində vəfat etmiş 1,1 milyon ölkə vətəndaşına 1,4 milyard ABŞ dolları “yardım edib”.
Rakus.az xəbər verir ki, məlumata görə, həmin şəxslərin ölümü barədə ödənişləri həyata keçirən Maliyyə Nazirliyi və Maliyyə Xidmətləri Bürosu, Sosial Təminat İdarəsi və Gəlir Xidmətinin məlumatlı olmayıb. Belə ki, yardımlar 2018-2019-cu illərin vergi bəyannamələrinə əsasən edildiyi üçün, dünyasını dəyişmiş şəxslərin adları da siyahıya daxil edilib. Bununla belə, hökumət bəyan edib ki, həmin pullar geri alınacaq. Ancaq bunun necə həyata keçiriləcəyi məlum deyil.
Xatırladaq ki, ABŞ-da koronavirusa 2,5 milyondan çox yoluxma halı qeydə alınıb, təhlükəli infeksiyadan 127 minə yaxın insan ölüb.
