Təhlil 21.05.2019 16:17

Azərbaycan “Avroliqa”dan 50 milyon qazana bilər 

Bakıda UEFA Avropa Liqasının finalının keçirilməsinə sayılı günlər qalıb. Möhtəşəm final oyunu ilə bağlı şəhərdə də hazırlıq işləri aparılır.

“Avroliqa” ərəfəsində Azərbaycana çox sayda turistin gəlməsi gözlənilir.

Bəs hazırlıqlar nə yerdədir? Turistlərin sayı təxminən nə qədər olacaq, Azərbaycan hansı məbləğdə gəlir əldə edəcək?

Rakus.az xəbər verir ki, bununla bağlı aidiyyəti qurumlara müraciət edilib.

Dövlət Turizm Agentliyinin mətbuat xidmətinin rəhbəri Kənan Quluzadə saytımıza verdiyi açıqlamada bildirib ki, təmsil etdiyi qurum turist axını ilə bağlı digər dövlət orqanları ilə birlikdə sistemli iş aparır. Bu iş isə üç hissədən ibarətdir:

“Hazırda marketinq, media ilə işlər qaydasına salınır.

“Euronews”, “CNN” televiziya kanallarına Azərbaycanla bağlı tanıtım çarxları verilir. Həmçinin, İngiltərənin tanınan mətbu orqanlarında Azərbaycanın qonaqpərvərliyi, təhlükəsiz ölkə olması  barədə yazılar dərc edilib.

İkinci bir mərhələ isə Heydər Əliyev Beynəlxalq Aeroportunda qonaqların qarşılanması, məlumat köşklərinin, bələdçilərin olması və “BakıKart” (“BakuCard”) barədə məlumat verilməsidir.

Final günü və daha sonra turistlərlə işləyən qurumlar gücləndirilmiş iş rejimində fəaliyyət göstərəcəklər. Şəhərdə xüsusi köşklər yaradılacaq ki, bu vasitə ilə oyuna gələn azarkeşlər, könüllülər məlumatlandırılacaq. Həmçinin, stadionda Azərbaycanın tarixi, turizm imkanlarının təbliğatı ilə bağlı tədbirlər olacaq”.

Agentlik rəsmisi bildirib ki, oyunları izləmək üçün Azərbaycana 40 mindən çox adam gələcək:

“AZAL və AFFA ilə sıx əməkdaşlıq edəcəyik. Əminliklə deyə bilərik ki, Azərbaycanın bura gələn azarkeşləri qəbul etmək imkanı var”.

“Ölkəmizə gələnlər aktiv həyat tərzi keçirən insanlardır. Onların öz mədəniyyətləri var. Burada iki – yerli əhalinin turistləri qəbul etməsi və turistlərin yerli əhaliyə qarşı xoş münasibəti məsələsi var. Futbol fanatları çılğın olurlar. Bu gözləntiləri başa düşərək müəyyən hazırlıqlar aparılır”, – deyə Kənan Quluzadə qeyd edib.

Turizm Assosiasiyasının (AzTA) rəhbəri Nahid Bağırov bildirib ki, artıq hotellər bron edilib:

“Demək olar ki, mayın 28-30-da Bakı şəhərində yerləşən hotellərdə yer tapmaq qeyri-mümkündür.

Dünya praktikasında elədir ki, futbolu başqa şəhərdə izləmək üçün sıravi adam gələ bilmir. Çünki hotelin qiyməti 3-4 dəfə baha olur. Bura gələn azarkeşlər orta və daha yüksək təbəqədir. Möhtəşəm bir gün bizi gözləyir”.

Nahid Bağırov qeyd edib ki, turistlərin gəlişindən yüksək gəlir əldə etmək mümkün olacaq:

“Aviabilet, qalmaq daxil olmaqla, bu səfər bir turistə minimum 1000 dollara başa gələcək. Bu rəqəmi ölkəmizə gələn turist sayına vurduqda gəlirlərin xeyli olacağını demək olar. Nəzərə almaq lazımdır ki, bu turistlər futbol fanatıdırlar və çılğındırlar. Onlar kədərlənə və sevinə bilərlər. Onlara qarşı tolerant olmaq tövsiyə edilir”.

Azərbaycan Hotellər və Restoranlar Assosiasiyası İdarə Heyətinin sədri Samir Dübəndi isə bildirib ki, UEFA Avropa Liqasının Bakıda keçirilməsi turizmin inkişafı üçün xüsusi önəm daşıyır:

“Biz bu cür yarışlarla ölkəmizin turizm potensialını dünyaya çatdıra biləcəyik və onlar daha dolğun məlumat əldə edəcəklər. Proqnozlarımıza görə, oyunlarla bağlı Bakıya 45-50 min turist gələcək”.

“Bu cür yarışlar burada keçirilən zaman onlar üçün xüsusi turizm paketləri təklif edilməlidir ki, daha çox turist gələ bilsin. Bu paketlər yalnız Bakı deyil, regionlar üçün də hazırlanmalıdır.

Belə yarışlar Azərbaycan üçün xüsusi önəm daşıyır və ölkəmizi dünyada tanıtmaq üçün turizmin inkişafına müsbət təsir göstərir. Bu cür yarışların sayının çox olması arzuolunandır və istərdik ki, yarışların sayı ildən-ilə artsın”, – deyə sədr qeyd edib.

Samir Dübəndi bildirib ki, baha olan hotellərdə bronlar daha çoxdur:

“Bəzilərində bron 100 faizə çatıb. Qalan kiçik və orta müəssisələrdə 70 faizdir. Qeyd etmək lazımdır ki, futbol azarkeşləri yarış zamanı rəqib komanda ilə ciddi rəqabət aparırlar. Müxtəlif oyunlar zamanı toqquşmalar olur, xüsusilə pivədən, spirtli içkilərdən istifadə edirlər.

Bunu nəzərə alaraq, dövlət qurumları əhali üçün birlikdə məlumat yaymalıdır ki, onlar azarkeşlərin davranışlarından agah olsun”. (Oxu.Az)

XƏBƏR LENTİ
İqtisadi, Maraqlı, Sosial / 29.10.2026 13:47
Qərbi Azərbaycanın təbiəti: Göyçə gölünün sahilindəki Ardanış/Ardanuc kəndi - FOTO
Siyasi, Sosial / 28.10.2026 12:11
Qərbi Azərbaycan həqiqətləri: Zəngəzurun tarixi kəndi necə məhv edildi? - FOTO
İdman / 28.10.2026 00:16
Xatirə Turnirinin 5-ci turu – yaddaqalan anlar və kadrlar - FOTO
Dünya, Təhlil / 27.10.2026 17:27
Avropanın iki dövlətində baş verənlərə qısa ekskurs – TƏHLİL - FOTO
Mətbuat / 27.10.2026 12:27
“Report”un yeni media mühitində 12 illik fəaliyyətinə BAXIŞ - FOTO
Siyasi, Sosial / 27.10.2026 10:16
Qərbi Azərbaycan Həqiqətləri: Daşkörpüdə tapılan qəbiristanlıq hansı həqiqətləri üzə çıxarır? - FOTO - VİDEO
İdman / 27.10.2026 00:04
Beşinci tur başa çatdı – qol epizodları, xal və bombardirlər CƏDVƏLİ - FOTO - VİDEO
Dünya, Təhlil / 26.10.2026 17:18
Tehran rejimi gözündə görmədiyi tiri niyə dəyişmək istəmir? – TƏHLİL - FOTO
Maraqlı, Mədəni / 26.10.2026 12:09
Özünü axmaq və gülünc kimi göstərən Kramarov kim idi? – ARAŞDIRMA – RETRO BAKU - VİDEO
İdman / 26.10.2026 00:02
Xatirə Turnirində 5-ci turun nəticələri - FOTO
Maraqlı, Siyasi, Sosial / 25.10.2026 10:40
Qərbi Azərbaycan həqiqətləri: Bəriabadın taleyi necə dəyişdi? - FOTO - VİDEO
Sosial / 25.10.2026 08:29
Ailəsi dağıldı, doğmaları xəyanət etdi – “Arzunun vaxtı” - VİDEO
Maraqlı, Siyasi / 24.10.2026 21:23
Qərbi Azərbaycan həqiqətləri: Ərincin bilinməyən tarixçəsi - FOTO - VİDEO
Sosial / 24.10.2026 11:03
“Qayınanam “kapriznıy” idi, kaş başqa cür danışardım” – O VAXTLAR - VİDEO
Maraqlı, Siyasi / 24.10.2026 09:42
Qərbi Azərbaycan həqiqətləri: Ardanışın unudulmuş Azərbaycan tarixi - FOTO - VİDEO
Dünya, Siyasi, Təhlil / 23.10.2026 16:37
Paşinyanın ismarışları – demokratiyadan sui-istifadə metodu – TƏHLİL - FOTO
İdman / 23.10.2026 00:01
Şəhid Jurnalistlərin Xatirə Turnirində 5-ci tur həyacanı başlayır - FOTO
Siyasi, Sosial / 21.10.2026 13:31
Qərbi Azərbaycan həqiqətləri: Almalıq kəndinin tarixi sirləri - FOTO - VİDEO
Sosial / 21.10.2026 12:25
Qarabağlı qayınana, ukraynalı gəlin – “Arzunun vaxtı” - VİDEO
İdman / 21.10.2026 00:22
Xatirə Turnirinin 4-cü turu – yaddaqalan anlar və kadrlar - FOTO - VİDEO
Dünya, Elm və təhsil / 20.10.2026 17:42
Məktəb və məktəblilərin təhlükəsizliyi – ehtiyac duyulan əməkdaşlıq – TƏHLİL
Hərbi / 20.10.2026 12:02
Bir ömrün xatirəsini 32 saniyəyə sığdıran şəhidin son sözləri – REPORTAJ - VİDEO
Siyasi, Sosial / 20.10.2026 11:10
Qərbi Azərbaycan həqiqətləri: “Yoxa çıxmış sivilizasiya – Gözə dəyməyən fəlakət” - FOTO - VİDEO
İdman / 20.10.2026 10:16
Dördüncü tur başa çatdı – qol epizodları, xal və bombardirlər CƏDVƏLİ - FOTO - VİDEO
Maraqlı, Mədəni / 19.10.2026 12:15
Ərkivanda 200 illik sirli əmanət və cehizlə başlayan böyük sərvət – KƏNDİNƏ QAYIT - VİDEO
İdman / 19.10.2026 00:41
Xatirə Turnirində 4-cü turun nəticələri - FOTO