Hadisə 23.02.2024 21:38

“Atamı, anamı və qardaşımı ermənilər Xocalıda girov götürdülər” - FOTO - VİDEO

Bu gün Baku Tv-də Qərbi Azərbaycan Xronikası layihəsi çərçivəsində jurnalist Əsgər İbrahimovun müəllifi olduğu “Həyat Hekayəsi” verilişinin növbəti buraxılışı hazırlanıb.

Rakus.az xəbər verir ki, “Ailəmiz Göyçədən Gəncəyə, oradan da Şuşaya və Xocalıya 4 dəfə köç edib” adlı veriliş atası, anası və qardaşı  Xocalı faciəsində itkin düşən, Qərbi Azərbaycanın Göyçə mahalının Basarkeçər rayonunun Qaraqoyunlu kənd sakini Tahir Seyidovun həyat hekayəsinə həsr olunub.

O, uşaqlıq və məktəb illərindən, kəndləri ilə bağlı maraqlı xatirələrindən danışıb: “Gözəl yaşıl çəmənliklərimiz, dağlarımız, bulaqlarımız var idi. Dağlarda çox gəzirdik, oynayırdıq. Göyçə mahalına qayıtsaq uşaqlıqdakı həyatımı yenidən yaşamaq istəyərdim. İkinci sinifə kimi Qaraqoyunlu kəndində oxudum, sonra təhsilini Gəncə şəhərində davam etdirdim. Hər yay tətilində kəndimizə gedirdim”.

T.Seyidov erməni vəhşiliyindən söz açaraq bildirib ki, anamın anası Moruq nənəm həmişə 1905-ci ildə ermənilərin onları kənddən necə qovmasından danışardı: “Ermənilər silahla kəndə hücum ediblər. Kənd camaatı Kəlbəcər rayonu ilə həmsərhəd olan Çalmalı dağını aşanda qışda borana-qara düşüb, xeyli insan ölüb. Belə hadisələr Xocalıda da yaşandı. 1988-ci ildə ermənilər insanları öz yurdundan qovanda atam Allahverdiyev Hidayət Bəhrəm oğlu, anam Allahverdiyeva Simuzər Hüseynalı qızı, qardaşım Allahverdiyev Bəhrəm Hidayət oğlu Gəncəyə, Göygölə, Şuşaya, sonra da Xocalı şəhərinə köçdülər. Onlar Xocalı hadisələri baş verəndə erməni vandalizminə tuş gəldilər. Ermənilər atamı, anamı və qardaşımı girov götürüblər. İndiyədək onlardan heç bir xəbərimiz yoxdur. Onların adları Xocalı şəhidləri kimi qeyd olunub, amma heç bir əsər-əlamət, xəbər yoxdur. Bu, ermənilərin xalqımıza, mənim ailəmə qarşı etdiyi böyük vəhşilikdir. Qaçqınlıq bizə çox böyük zərbə vurdu, ailəmi itirdim, qohum-əqrabam pərən-pərən düşdü”.

O, Göyçə mahalına, Qərbi Azərbaycana qayıtmaq arzusunu da gizlətməyib: “Çox böyük arzumdu ki, torpaqlarımız alınsın, qayıdaq öz Vətənimizdə yaşayaq. Vətəndən ötrü çox darıxıram. Prezidentimiz dəfələrlə deyib ki, biz ulu torpaqlarımıza qayıdacağıq. O günü mən səbirsiliklə gözləyirəm. Mən qayıdıb  öz kəndimdə yaşamaq istəyirəm. Ora bizim əzəli torpağımızdır, orada ulu babalarımızın, qohum-əqrabamın qəbirləri var. Onları ziyarət etmək lazımdı. Ona görə də doöma torpaqlarımıza qayıtmalıyıq və qayıdacağıq. Mən buna inanıram”.

Xatırladaq ki, Qərbi Azərbaycan Xronikası layihəsinin məqsədi tarixi qədim torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri – qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, xaçdaşlar, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.

Həmçinin Prezident İlham Əliyevin Qərbi Azərbaycanla bağlı dediyi “XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb. İndi əsas vəzifə ondan ibarətdir ki, dünya ictimaiyyəti də bunu bilsin”, – fikrini əsas tutaraq Qərbi Azərbaycan İcmasının hazırladığı Qayıdış Konsepsiyasında irəli gələn vəzifələrin təbliğidir.

Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.

Veriliş fevralın 23-də saat 19:45-də Baku Tv-nin efirində və YouTube kanalında yayımlanıb.

 

XƏBƏR LENTİ
Siyasi, Sosial / 28.10.2026 12:11
Qərbi Azərbaycan həqiqətləri: Zəngəzurun tarixi kəndi necə məhv edildi? - FOTO
İdman / 28.10.2026 00:16
Xatirə Turnirinin 5-ci turu – yaddaqalan anlar və kadrlar - FOTO
Dünya, Təhlil / 27.10.2026 17:27
Avropanın iki dövlətində baş verənlərə qısa ekskurs – TƏHLİL - FOTO
Mətbuat / 27.10.2026 12:27
“Report”un yeni media mühitində 12 illik fəaliyyətinə BAXIŞ - FOTO
Siyasi, Sosial / 27.10.2026 10:16
Qərbi Azərbaycan Həqiqətləri: Daşkörpüdə tapılan qəbiristanlıq hansı həqiqətləri üzə çıxarır? - FOTO - VİDEO
İdman / 27.10.2026 00:04
Beşinci tur başa çatdı – qol epizodları, xal və bombardirlər CƏDVƏLİ - FOTO - VİDEO
Dünya, Təhlil / 26.10.2026 17:18
Tehran rejimi gözündə görmədiyi tiri niyə dəyişmək istəmir? – TƏHLİL - FOTO
Maraqlı, Mədəni / 26.10.2026 12:09
Özünü axmaq və gülünc kimi göstərən Kramarov kim idi? – ARAŞDIRMA – RETRO BAKU - VİDEO
İdman / 26.10.2026 00:02
Xatirə Turnirində 5-ci turun nəticələri - FOTO
Maraqlı, Siyasi, Sosial / 25.10.2026 10:40
Qərbi Azərbaycan həqiqətləri: Bəriabadın taleyi necə dəyişdi? - FOTO - VİDEO
Sosial / 25.10.2026 08:29
Ailəsi dağıldı, doğmaları xəyanət etdi – “Arzunun vaxtı” - VİDEO
Maraqlı, Siyasi / 24.10.2026 21:23
Qərbi Azərbaycan həqiqətləri: Ərincin bilinməyən tarixçəsi - FOTO - VİDEO
Sosial / 24.10.2026 11:03
“Qayınanam “kapriznıy” idi, kaş başqa cür danışardım” – O VAXTLAR - VİDEO
Maraqlı, Siyasi / 24.10.2026 09:42
Qərbi Azərbaycan həqiqətləri: Ardanışın unudulmuş Azərbaycan tarixi - FOTO - VİDEO
Dünya, Siyasi, Təhlil / 23.10.2026 16:37
Paşinyanın ismarışları – demokratiyadan sui-istifadə metodu – TƏHLİL - FOTO
İdman / 23.10.2026 00:01
Şəhid Jurnalistlərin Xatirə Turnirində 5-ci tur həyacanı başlayır - FOTO
Siyasi, Sosial / 21.10.2026 13:31
Qərbi Azərbaycan həqiqətləri: Almalıq kəndinin tarixi sirləri - FOTO - VİDEO
Sosial / 21.10.2026 12:25
Qarabağlı qayınana, ukraynalı gəlin – “Arzunun vaxtı” - VİDEO
İdman / 21.10.2026 00:22
Xatirə Turnirinin 4-cü turu – yaddaqalan anlar və kadrlar - FOTO - VİDEO
Dünya, Elm və təhsil / 20.10.2026 17:42
Məktəb və məktəblilərin təhlükəsizliyi – ehtiyac duyulan əməkdaşlıq – TƏHLİL
Hərbi / 20.10.2026 12:02
Bir ömrün xatirəsini 32 saniyəyə sığdıran şəhidin son sözləri – REPORTAJ - VİDEO
Siyasi, Sosial / 20.10.2026 11:10
Qərbi Azərbaycan həqiqətləri: “Yoxa çıxmış sivilizasiya – Gözə dəyməyən fəlakət” - FOTO - VİDEO
İdman / 20.10.2026 10:16
Dördüncü tur başa çatdı – qol epizodları, xal və bombardirlər CƏDVƏLİ - FOTO - VİDEO
Maraqlı, Mədəni / 19.10.2026 12:15
Ərkivanda 200 illik sirli əmanət və cehizlə başlayan böyük sərvət – KƏNDİNƏ QAYIT - VİDEO
İdman / 19.10.2026 00:41
Xatirə Turnirində 4-cü turun nəticələri - FOTO
Sosial / 18.10.2026 10:48
“İnternetdə tanış olduq, ailəm dağıldı” – “Arzunun vaxtı” - VİDEO