“Çəmbərək”, “Ardanış” və “İrəvan” adını yarımfinala yazdırıb
Zəfər Günü (8 Noyabr) münasibətilə oktyabrın 22-də Azərbaycanın şəhid jurnalistlərinin xatirəsinə həvəskar komandalardan ibarət 2-ci Ənənəvi Futbol Turnirinin 2-ci turunda 3 oyun baş tutub.
Rakus.az xəbər verir ki, Bakı Tennis Akademiyasında keçirilən görüşlərdə B qrupu üzrə “Çəmbərək” – “Zəngəzur”, A qrupu üzrə “İrəvan” – “Göyçə”, yenə B qrupu üzrə “Qaraqoyunlu” – “Ardanış” ilə qarşılaşıb.
Bütün görüşlər qrupdan çıxmaq üçün önəm daşıyırdı.
Birinci görüş “Çəmbərək”in “Zəngəzur” üzərində 9:5 hesablı qələbəsi ilə sonuclanıb.
Qollar: Azad Əliyev 4, Ramiz Hüseynov 2, Tariq Qasımov 1, Ramazan Abbasov 1, Vüqar Hüseynov 1
Sərxan Mustafayev 3, Nurani İsgəndərov 2
22 oktyabr
B qrupu
Saat 19:00
“Çəmbərək” – “Zəngəzur”- 9:5
İkinci qarşılaşma saat 20:00-da start götürüb, A qrupunda liderlik uğrunda mübarizə aparan, ilk turda aktivlərin 3 xal yazdıran “İrəvan” ilə “Göyçə” qüvvələrini sınayıb. Daha aktiv və inamlı oyun nümayiş etdirən “İrəvan” komandası 2:1 hesablı qələbə ilə adını yarımfinala yazdırıb.
Qollar: Rauf Əmiraslanov 2, Tahir Ələsgərov 1.
22 oktyabr
A qrupu
Saat 20:00
“İrəvan” – “Göyçə”- 2:1
Bundan sonra turnirin 2-ci turunun son oyunu keçirilib.
“Qaraqoyunlu” ilə “Ardanış” üz-üzə gəlib. Oyunun əvvəlindən düşən fürsətləri daha dəqiq dəyərləndirən “Ardanış” 4 qol vurub və xalını 6-a yüksəldib.
“Qaraqoyunlu” birbaşa üstün və baxımlı oyun nümayiş etdirsə də şansı gətirməyib. Buraxdığı toplardan 3-nün əvəzini çıxıb. Lakin oyunda dönüş yaratmaq üçün təzyiqi artırsa da arzusuna çatmayıb. Bununla da ikinci məğlubiyyətini alıb və gələcək şanslarının üstündən xətt çəkib.
Qollar: Emin İmaməliyev 2, Emin Ələsgərov 1, Aqil Qurbanov 1,
Sirac Məmmədli 1, Əli Quliyev 1, Orxan Gülməmmədli 1
22 oktyabr
B qrupu
Saat 21:00
“Qaraqoyunlu” – “Ardanış”- 3-4
Qarşılaşmaları AFFA-nın hakimləri Nail Nağıyev və Samir Ələsov idarə ediblər.
Bununlada Ənənəvi Futbol Turnirinin 2-ci turu başa çatıb.
Növbəti oyunlar oktyabrın 28-29-da keçiriləcək.
28 oktyabr
III tur
A qrupu
19:30 “Göyçə” – “Loru-Borçalı”
B qrupu
20:30 “İrəvan” – “Qərbi Azərbaycan”
29 oktyabr
B qrupu
19:30 “Qaraqoyunlu”- “Zəngəzur”
20:30 “Ardanış” – “Çəmbərək”
