Deputat Adil Əliyev iftar süfrəsi açdı - FOTO - VİDEO
Milli Məclisin deputatı Adil Əliyev müqəddəs Ramazan ayı münasibətilə iftar süfrəsi açdı.
Rakus.az xəbər verir ki, “Qurani-Kərim”dən ayələrin və Ramazan duasının oxunması ilə başlanan iftar mərasiminə şəhid ailələri, Milli Qəhrəmanlar, qazilər, millət vəkilləri, xarici qonaqlar, müharibə veteranları, ictimai fəallar, jurnalistlər və ictimaiyyətin digər nümayəndələri dəvət olunmuşdu.
Təşkilatçı kimi çıxış edən millət vəkili Adil Əliyev qonaqları salamlayaraq tədbirdə iştirak etdiklərinə görə hər birinə dərin minnətdarlığını bildirməklə Ramazan bayramlarını təbrik etdi. Qeyd etdi ki, torpaqlarımızın müdafiəsində şəhid olan və qəhrəmancasına vuruşan ərənlərimizlə daim fəxr etməli və onların qarşısında baş əyməliyik. Şəhidlərin xatirəsi 1 dəqiqəlik sükutla yad edildikdən sonra tədbir davam etdirildi.
Adil Əliyevin layihə rəhbəri olduğu və aprel şəhidi, “İgidliyə görə” medalı ilə təltif olunan Orxan Həmidovun həyatına həsr olunan “Mən görüşə gedirəm” filmi nümayiş edildi və tədbir iştirakçıları tərəfindən alqışlarla qarşılandı.
Sonra şəhid Orxan Həmidovun anası Tamella Məmmədova, Türkiyə Cümhuriyyətinin Azərbaycandakı səfiri Erkan Özoral, Milli Məclisin Əmək və Sosial siyasət komitəsinin sədri Hadi Rəcəbli və başqaları mərasimdə çıxış edərək şəhid ailələrinə böyük diqqət və qayğı göstərdiyinə görə Respublika Prezidenti İlham Əliyevə dərin təşəkkürlərini bildirməklə, mərasimin yüksək təşkilatçılığı üçün deputat Adil Əliyevə minnətdarlıqlarını çatdırdılar.
Saytımızın Baş redaktoru, Əməkdar jurnalist Mikayıl Nərimanoğlunun tədbirlə bağlı geniş yazıları ilə sabah tanış ola bilərsiniz.
