AĞSTAFA: Şəhidin xatirəsi ehtiramla anıldı - FOTO
Ağstafa rayonunun Saloğlu qəsəbəsində şəhid Namazov Asim Əhməd oğlunun adını daşıyan məktəbin həyətində şəhidin büstünün açılış mərasimi keçirilib.
Rakus.az xəbər verir ki, tədbirdə çıxış edən Ağstafa rayon İcra hakimiyyətinin başçısı cənab Nizaməddin Quliyev prezident İlham Əliyev tərəfindən şəhidlərimizə və şəhid ailələrinə göstərilən hörmət və ehtiramdan danışıb. Bu gün Azərbaycan xalqı müstəqil və suveren bir dövlətdə yaşayırsa, bu, şəhidlərimizin göstərdikləri qəhrəmanlıqlar sayəsindədir. Ona görə də hər bir azərbaycanlı şəhidlərin adını daim uca tutmalı, onların ailə üzvlərinə, doğmalarına hörmətlə yanaşmalıdır. Bu, hər bir insanın vətəndaşlıq borcu olmalıdır. Tədbir iştirakşıları şəhidin döyüş həyatından, onun qəhrəmanlığının gənc nəslə bir nümunə olmasından danışdılar. Qarabağ uğrunda vuruşaraq canlarından keçən qəhrəmanları bu cür yad edilməsinin vacibliyini qeyd etdilər.
Tədbirdə şəhidin anası Adilə Namazova öz çıxışında bu vətənpərvər və xeyirxah əməl üçün təşəbbüs göstərənlərə şəhidin ailəsi adından Vətən uğrunda canlarını qurban vermiş qəhrəman oğulların xatirəsinə göstərilən diqqət və sayğıya görə dövlət başçısına öz minnətdarlıqlarını ifadə edib.
