Aşurlu səkkizinci zirvədə bayrağımızı dalğalandırdı
Alpinist İsrafil Aşurlı dünyanın səkkizinci ən yüksək dağı sayılan Manaslu zirvəsində üç rəngli bayrağımızı dalğalandırdı.
Rakus.az xəbər verir ki, bunu tanınmış səyyah Fərid Novruzi yazıb.
Alpinistin fədakarlığını yüksək belə qiymətləndirib:
“Əziz dostlar, səbirsizliklə gözəl bir xəbər ilə paylaşmaq istəyirəm: mənim dostum, qardaşım, həmyerlimiz İsrafil Aşurlı dünən sentyabrın 26-sı dünyanın səkkizinci ən yüksək dağı sayılan Manaslu zirvəsində üç rəngli bayrağımızı dalğalandırdı. 8156 m. hündürlüyü olan Manaslu dağı Nepalda yerləşir və bu İsrafilin 4-cü səkkizminlik dağı oldu. Bu zirvəyə İsrafil oksiqen istifadə etmədən cıxdı. Hal-hazırda o yenicə olaraq zirvənin ətəyində yerləşən bir kəndə enib və dincəlir”.
Onu da bildirib ki, alpinistlər aləmində uğurlu dağa çıxma o vaxt hesab olunur ki, nə zaman ki alpinist uğurlu aşağı enir. Buna görə, ondan xəbər gəlmədən bu xəbəri paylaşmırdım.
