Ümummilli lider müstəqilliyimizi əbədiləşdirdi – Deputat
“Xalqın yekdil çağırışı ilə hakimiyyətə qayıdan Ulu Öndər uzaqgörən və müdrik siyasəti sayəsində müstəqilliyimizi bütün təhlükələrdən qoruyaraq əbədi və dönməz etdi. Azərbaycan dağılmaq təhlükəsindən birdəfəlik xilas olaraq yeni bir inkişaf dövrünə qədəm qoydu”.
Rakus.az xəbər verir ki, bunu millət vəkili, YAP Qaradağ rayon təşkilatının sədri Aydın Hüseynov bildirib.
Qeyd edib ki, bu gün Azərbaycanın Dövlət Müstəqilliyi Günüdür. 1991-ci il oktyabrın 18-də Azərbaycan Respublikası Ali Soveti Dövlət müstəqilliyi haqqında Konstitusiya Aktını qəbul edildi. Lakin naşı siyasətçilərin rəhbərliyi nəticəsində ölkəmiz müstəqilliyinin ilk illərində çətin şəraitlə üzləşdi.
Həmin dövrdə vəziyyətin son dərəcə ağır olduğuna toxunan millət vəkili qeyd etdi ki, xalqımız təhlükədən çıxış üçün son ümid yeri olaraq Ümummilli Lider Heydər Əliyevə müraciət etdi. Beləliklə xalqın yekdil çağırışı ilə hakimiyyətə qayıdan Ulu Öndər uzaqgörən və müdrik siyasəti sayəsində müstəqilliyimizi bütün təhlükələrdən qoruyaraq əbədi və dönməz etdi. Azərbaycan dağılmaq təhlükəsindən birdəfəlik xilas olaraq yeni bir inkişaf dövrünə qədəm qoydu.
Millət vəkili sonda bildirdi ki, Ümummilli Liderimiz Heydər Əliyevin milli dövlətçiliyimizin möhkəmləndirilməsi və ölkəmizin bütün sahələr üzrə dinamik inkişaf etdirilməsi naminə yorulmaz fəaliyyəti bu gün onun layiqli davamçısı Prezident İlham Əliyev tərəfindən layiqincə davam etdirilir:
“Respublika Prezidenti İlham Əliyevin rəhbərliyi və siyasəti nəticəsində qazanılan bütün bu uğurlar ölkəmizin inkişaf edərək daha qüdrətli bir dövlətə çevriləcəyinə əminliyimizi durmadan artırır”.
