Elm və təhsil 19.11.2019 21:44

Ankarada Əhməd bəy Ağaoğluya dair konfrans keçirildi - FOTO

Türkiyənin Ankara Universitetində (AU) ictimai fikir tariximizdə dərin iz qoymuş böyük mütəfəkkir Əhməd bəy Ağaoğlunun anadan olmasının 150-ci ildönümünə həsr olunan konfrans təşkil olunub.

Rakus.az xəbər verir ki, Azərbaycanın Türkiyədəki Səfirliyi, Ankara Universiteti (AU), Azərbaycan Vəkillər Kollegiyası, Anadolu Agentliyi, Türkiyədəki Azərbaycanlı İş Adamları Birliyi (TAİB) və Beynəlxalq münasibətlərin Təhlili Mərkəzi tərəfindən birgə təşkil olunan “Anadan olmasının 150-ci ildönümündə ortaq dəyərimiz Əhməd bəy Ağaoğlu” mövzulu konfransda rəsmi şəxslər, tanınmış hüquqşünaslar, diplomatlar, görkəmli alimlər, AU-nun tələbələri, QHT və KİV təmsilçiləri iştirak ediblər.

Konfrans şəhidlərimizin əziz xatirəsinin anımı ilə başlanıb. Sonra Azərbaycan və Türkiyənin dövlət himni səsləndirilib.

Məlumat verilib ki, həmişə milli oyanış hərəkatının ön sıralarında dayanan vətənpərvər şəxsiyyət, eyni zamanda, müsəlman Şərqində müasirləşmə siyasətinin ardıcıl tərəfdarı kimi tanınan Əhməd bəy Ağaoğlunun fəaliyyəti müasirləri tərəfində yüksək dəyərləndirildiyi kimi tədqiqatçı alimlər üçün də maraqla qarşılanıb. Azərbaycanda və Türkiyədə Əhməd bəy Ağaoğlu şəxsiyyətinə daim ehtiram göstərilib. Vurğulanıb ki, Prezident İlham Əliyevin “Əhməd bəy Ağaoğlunun 150 illik yubileyinin keçirilməsi haqqında” Sərəncam imzalaması Azərbaycanda tarixi şəxsiyyətlərə göstərilən dövlət qayğısının daha bir təzahürüdür.

Rəsmi hissədə ölkəmizin Ankaradakı səfiri Xəzər İbrahim, Azərbaycan Vəkillər Kollegiyasının sədri Anar Bağırov, Ankara Universitetinin dekanı Məhərrəm Özən, Türkiyə Respublikası Ali Məhkəməsinin sədri İsmail Rüştü Cirit, Türkiyə Vəkillər Kollegiyasının sədri Mətin Feyzioğlu çıxış ediblər.

Çıxışlarda Əhməd bəy Ağaoğlunun zəngin mənalı həyatından, Azərbaycan və Türkiyədəki faydalı işlərindən, həyata keçirilən təşəbbüslərinin tarixi əhəmiyyətindən danışılıb. Qeyd olunub ki, Azərbaycan Xalq Cümhuriyyətinin və Türkiyə Cümhuriyyətinin qurulmasında özünəməxsus yeri və rolu olan Əhməd bəy Ağaoğlunun ideyaları və təşəbbüs göstərdiyi məsələlər dövlətçilik tarixlərimizdə silinməz izlər buraxıb.

Anadolu Agentliyinin Əhməd bəy Ağaoğlunun həyat və fəaliyyəti haqqında hazırladığı filmin nümayişindən sonra konfransın panel hissəsi olub. Professorlar-Azərbaycanın Macarıstandakı səfiri Vilayət Quliyev, Əli Birinci, AU-nun dosenti Cavid Abdullahzadə mövzu ilə bağlı fikir və mülahizələrini bölüşüblər.

Çıxışlarda qeyd olunub ki, Əhməd bəy Ağaoğlu həm Cümhuriyyət dövründə Azərbaycanda, həm də Türkiyədə geniş ictimai və elmi fəaliyyəti ilə ölkələrimizin və xalqlarımızın milli varlığının formalaşmasına və qorunmasına əvəzolunmaz təsir göstərib. O, ömrünün əsas hissəsini türk xalqlarının milli azadlıq hərəkatına və mədəni yüksəlişinə həsr edərək qardaş ölkənin dövlətçilik tarixində misilsiz xidmətlər göstərərərk yazdığı dəyərli əsərləri ilə bu gün də aktual olan məsələlərin çözülməsinə töhfələr verib. Mütəfəkkirin işıqlı həyat yolundan danışan alimlər bildiriblər ki, Əhməd bəy Ağaoğlu milli mücadilənin bütün istiqamətlərində fəaliyyət göstərib, bir alim, hüquqşünas və millət fədaisi olaraq həmişə təşəbbüskarlığı və fəallığı ilə seçilib.

XƏBƏR LENTİ
İdman / 30.10.2026 11:14
Şəhid Jurnalistlərin Xatirə Turnirində 6-cı tur – qrup oyunları başa çatır - FOTO
İqtisadi, Maraqlı, Sosial / 29.10.2026 13:47
Qərbi Azərbaycanın təbiəti: Göyçə gölünün sahilindəki Ardanış/Ardanuc kəndi - FOTO
Siyasi, Sosial / 28.10.2026 12:11
Qərbi Azərbaycan həqiqətləri: Zəngəzurun tarixi kəndi necə məhv edildi? - FOTO
İdman / 28.10.2026 00:16
Xatirə Turnirinin 5-ci turu – yaddaqalan anlar və kadrlar - FOTO
Dünya, Təhlil / 27.10.2026 17:27
Avropanın iki dövlətində baş verənlərə qısa ekskurs – TƏHLİL - FOTO
Mətbuat / 27.10.2026 12:27
“Report”un yeni media mühitində 12 illik fəaliyyətinə BAXIŞ - FOTO
Siyasi, Sosial / 27.10.2026 10:16
Qərbi Azərbaycan Həqiqətləri: Daşkörpüdə tapılan qəbiristanlıq hansı həqiqətləri üzə çıxarır? - FOTO - VİDEO
İdman / 27.10.2026 00:04
Beşinci tur başa çatdı – qol epizodları, xal və bombardirlər CƏDVƏLİ - FOTO - VİDEO
Dünya, Təhlil / 26.10.2026 17:18
Tehran rejimi gözündə görmədiyi tiri niyə dəyişmək istəmir? – TƏHLİL - FOTO
Maraqlı, Mədəni / 26.10.2026 12:09
Özünü axmaq və gülünc kimi göstərən Kramarov kim idi? – ARAŞDIRMA – RETRO BAKU - VİDEO
İdman / 26.10.2026 00:02
Xatirə Turnirində 5-ci turun nəticələri - FOTO
Maraqlı, Siyasi, Sosial / 25.10.2026 10:40
Qərbi Azərbaycan həqiqətləri: Bəriabadın taleyi necə dəyişdi? - FOTO - VİDEO
Sosial / 25.10.2026 08:29
Ailəsi dağıldı, doğmaları xəyanət etdi – “Arzunun vaxtı” - VİDEO
Maraqlı, Siyasi / 24.10.2026 21:23
Qərbi Azərbaycan həqiqətləri: Ərincin bilinməyən tarixçəsi - FOTO - VİDEO
Sosial / 24.10.2026 11:03
“Qayınanam “kapriznıy” idi, kaş başqa cür danışardım” – O VAXTLAR - VİDEO
Maraqlı, Siyasi / 24.10.2026 09:42
Qərbi Azərbaycan həqiqətləri: Ardanışın unudulmuş Azərbaycan tarixi - FOTO - VİDEO
Dünya, Siyasi, Təhlil / 23.10.2026 16:37
Paşinyanın ismarışları – demokratiyadan sui-istifadə metodu – TƏHLİL - FOTO
İdman / 23.10.2026 00:01
Şəhid Jurnalistlərin Xatirə Turnirində 5-ci tur həyacanı başlayır - FOTO
Siyasi, Sosial / 21.10.2026 13:31
Qərbi Azərbaycan həqiqətləri: Almalıq kəndinin tarixi sirləri - FOTO - VİDEO
Sosial / 21.10.2026 12:25
Qarabağlı qayınana, ukraynalı gəlin – “Arzunun vaxtı” - VİDEO
İdman / 21.10.2026 00:22
Xatirə Turnirinin 4-cü turu – yaddaqalan anlar və kadrlar - FOTO - VİDEO
Dünya, Elm və təhsil / 20.10.2026 17:42
Məktəb və məktəblilərin təhlükəsizliyi – ehtiyac duyulan əməkdaşlıq – TƏHLİL
Hərbi / 20.10.2026 12:02
Bir ömrün xatirəsini 32 saniyəyə sığdıran şəhidin son sözləri – REPORTAJ - VİDEO
Siyasi, Sosial / 20.10.2026 11:10
Qərbi Azərbaycan həqiqətləri: “Yoxa çıxmış sivilizasiya – Gözə dəyməyən fəlakət” - FOTO - VİDEO
İdman / 20.10.2026 10:16
Dördüncü tur başa çatdı – qol epizodları, xal və bombardirlər CƏDVƏLİ - FOTO - VİDEO
Maraqlı, Mədəni / 19.10.2026 12:15
Ərkivanda 200 illik sirli əmanət və cehizlə başlayan böyük sərvət – KƏNDİNƏ QAYIT - VİDEO