Azərbaycan Milli Ensiklopediyası tənqid olundu
“Azərbaycan Milli Ensiklopediyasının 5 -ci cildində akademik, Sovet İttifaqı Qəhrəmanı Ziya Bünyadovun bioqrafiyası 11 cümlədən ibarətdir”.
Rakus.az xəbər verir ki, bunu təhsil eksperti Etibar Əliyev bildirib və ensiklopediyada yazılanları olduğu kimi diqqətə çatdırıb:
“Müxtəlif ölkələrdə keçirilmiş Beynəlxalq konqres və simpoziumlarda iştirak etmişdir.
Elmi kadrların hazırlanmasında xidmətləri var. Azərbaycan Respublikasının Milli Məclisinin (1-ci çağırış) deputatı olmuşdur. Cinayətkar qrup tərəfindən qətlə yetirilmişdir.”
Bildirib ki, ensiklopediyada bu nəhəng alimə Beynəlxalq Universitetin keçmiş rektoru Elşad Abdullayev qədər yer ayırıblar.
Deyəndə ki, Ensiklopediya tərtib edə bilmirlər, acıqlarına gəlir.
Ekspert sonda bir vacib məqama da toxunub:
“Təkcə bir faktı deyim. Ziya müəllimin 1988- ci ildə “Elm” qəzetində çıxmış “Nə üçün Sumqayıt? (Rus dilində)” məqaləsinə 10 -dan çox erməni akademiki cavab verməyə çalışmışdı, lakin böyük alimimiz elmi və tarixi faktlarla onları elə əzmişdi ki, özlərini gülünc vəziyyətə salmışdılar”.
