Aydın Hüseynov seçiciləri ilə onlayn görüşdü
Milli Məclisin deputatı Aydın Hüseynov Qaradağ rayonunun Qobustan, Ələt, Səngəçal və Sahil qəsəbəsindən olan bir neçə seçicisi ilə onlayn əlaqə saxlayaraq vəziyyətləri və qayğıları ilə maraqlanıb.
Rakus.az xəbər verir ki, əvvəlcə pandemiya ilə bağlı ölkəmizdə həyata keçirilən tədbirlər barədə danışan millət vəkili qeyd edib ki, Respublika Prezidenti İlham Əliyevin göstərişlərinə əsasən vətəndaşlarımızın koronavirusdan qorunması və xəstələrin müalicə olunması üçün bütün tədbirlər görülür.
Bununla yanaşı Ümumdünya Səhiyyə Təşkilatının, Nazirlər Kabineti yanında Operativ Qərargahın tələb və tövsiyələrinə ciddi əməl olunmalıdır. Özünütəcrid tədbirlərinə uyğun davranmaq, yalnız ciddi ehtiyac yarandıqda evdən çıxmaq, digər şəxslərlə minimum kontaktda olmaq, insanların sıx toplaşdığı yerlərə getməmək və xüsusi karantin rejiminə əməl etmək vacibdir. Hər kəs bir daha şəxsi gigiyena qaydalarına ciddi riayət etməlidir. Özü də bunu bütün ailə üzvlərinizə və yaxınlarınıza da bildirməlisiniz.
Sonra seçicilərin müraciətləri və qayğıları dinlənilib, həlli yolları ilə bağlı fikir mübadiləsi aparılıb. Qaldırılan məsələlərin bəzilərinə yerində aydınlıq gətirilib, əksəriyyəti aidiyyatı üzrə müvfiq qurumlara istiqamətləndirilib, araşdırılması vacib olan məsələr isə nəzarətə götürülüb.
Beləliklə iyun ayında 337 seçici ilə əlaqə yaradılıb və müraciətləri ilə tanış olunub.
