Aydın Hüseynov etimadı seçicilərinin səsi ilə doğrultdu
Siyasi fəaliyyətini həyatının amalı kimi yüksək dəyərləndirən şəxslərin etimadı doğrultması qaçılmazdır. Çünki əqidə və əməl bu yolda vəhdət təşkil edir. Yeni Azərbaycan Partiyasının Siyasi Surasının üzvü, partiyanın Qaradağ rayon təşkilatının sədri Aydın Hüseynovun həyat və fəaliyyəti bu fikrimizi əyani surətdə təsdiqləyir. Çünki Vətənə, Xalqa, Dövlətə bağlılıq, insani dəyərlərə yüksək münasibət, partiya rəhbərliyinin etimadına əməli işlə verilən cavab, seçici-deputat münasibətində səmimilik, məsuliyyət hissinin böyüklüyü, işgüzarlıq, bacarıq, peşəkarlıq və digər yüksək keyfiyyətlər Aydın müəllimin portiret gizgiləridir.
Seçicilərin səs çoxluğu ilə ikinci dəfə Milli Məclisin deputatı seçilən Aydın Hüseynovun doğum günüdü. Bununla bağlı onu ürəkdən təbrik etmək, xoş arzularımı bildirmək və ibrətamiz ömür yolunun bəzi məqamlarına toxunmaq istərdim.
Aydın müəllim son dərəcə sadə və təvazökar insandır. Təbii ki bu da ailə tərbiyəsinin göstəricisidir: Oxumaq, öyrənmək, daim çalışmaq, uçalıqla sadəliyi bərabər tutmaq, vətəni sevmək. Məhz belə bir həyat yolu öz müsbət bəhrəsini verməli idi. Elə də oldu. Ali təhsilli mütəxəssis kimi əmək fəaliyyətinə başlayan Aydın müəllim cəmiyyətdə qazandığı uğurlarla yaşamaq fəlsəfəsinin incəliklərini açıqladı. Vətənə sonsuz sevgi, torpağa hədsiz məhəbbət, insana yüksək qayğı, böyüyə hörmət, dosta sədaqət, imtiyazlı şəxslərə xüsusi diqqət, siyasi hadisələrə obyektiv münasibət, milli dəyərlərə yüksək rəğbət onu tanıyanlar arasında hörmətini durmadan artırır.
YAP tərəfindən deputatlığa namizədliyi dövründə seçicilərlə görüşləri Aydın müəllimin insani dəyərlərini daha qabarıq formada göstərirdi. Ən çətin şəraitdə yaşayan sakinlərin evində olmaq, onların qayğıları ilə maraqlanmaq, dəstək və köməkliyini əsirgəməmək elə bil alın yazısıdi. İstənilən qəsəbəyə daxil olan kimi birinci olaraq belə insanların qonağı olurdu. Onlarla xeyli söhbətləşir və mənəvi dəstək olmağı özünə borc bilirdi.
Aydın müəllim xüsusi fəlsəfi baxışa malıkdir. Məhz bu səbəbdən də mövqeyindən və düşüncəsindən asılı olmayaraq hər bir insanla masa arxasında saatla söhbət etməyi bacarır, həmsöhbətini sona qədər dinləyir, tövsiyə və köməkliyini əsirgəmir.
YAP tərəfindən deputatlığa namizədliyinin irəli sürülməsi Aydın müəllimin məsuliyyət hissini qat-qat artırmışdı. Çünki müstəqil Azərbaycanın tarixində misillsiz xidmətləri ilə seçilən, xalqımızın arzu və istəyini əməli işi ilə doğruldan bir partiyanın etimadını qazanmaq və onu doğrultmaq heç də asan iş deyildi. Sevindirici haldır ki, bütün yüksək keyfiyyətləri ilə bu bu etimadı da doğrultdu. Seçicilərinin yekdil səsi ilə növbəti dəfə Milli Məclisin deputatı seçildi. Bu isə YAP-ın düzgün etimadının və seçicilərin yekdil seçiminin göstəricisidir.
Belə bir gündə Aydın müəllimə ünvanlanan çoxsaylı təbriklərə qoşulur və ona daha böyük uğurlar arzulayırıq.
Mikayıl Nərimanoğlu
Əməkdar jurnalist
